رضوی خوراسان تئمییز محکمهسی سیروس ذبیحی مقدمین ۸ ایلک حبس حؤکمونو تصدیقلهییب. ایلکین محکمه بو ۶۳ یاشلی بهایی وطنداشی ۸ ایل مدتینه آزادلیقدان محروم ائدیب.
حؤکمه اساساً، سیروس ذبیحی اؤلکهنین گوونلیگینی پوزماق مقصدی ایله قروپ یاراتماق و بهایی تشکیلاتلارینی تشکیل ائتمک آدی آلتیندا اؤلکهده موخالیفت قروپلاری یاراتماق و اونلارا عضو اولماق اتهامی ایله ۷ ایل مدتینه آزادلیقدان محروم ائدیلیب و رژیمه قارشی تبلیغات اتهامی ایله بیر ایل حبس جزاسی وئریلیب.
بو بهایی وطنداش توپلام سککیز ایل حبس جزاسی آلیب و اونا قارشی ان آغیر جزا اولان ۷ ایل حبس جزاسی تطبیق اولوناجاق.
محکمه جناب ذبیحییه اؤزونو ایجرا شؤبهسینه تقدیم ائتمک اوچون اون گون واخت وئریب.
سیروس ذبیحی مقدم اؤتن ایل ۲ مهرده مشهددهکی شخصی ائوینده حبس ائدیلیب و ۷۳ گوندن سونرا گیرو قارشیلیغیندا سربست بوراخیلیب.
سیروس ذبیحینین ایلکین محکمهسینین ایجلاسی ۱۳ آبان ۱۴۰۲ شنبه گونو مشهد اینقیلاب محکمهسینین ۶-جی شؤبهسینده کئچیریلدی، لاکین حؤکم مشهد اینقیلاب محکمهسینین بیرینجی شؤبهسی طرفیندن وئریلدی.
سیروس ذبیحی ۶۰-۷۰-جی ایللرده بهایی اولدوغونا گؤره دفعهلرله ساخلانیلیب و حبس ائدیلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق