ایرانین اطلاعات ناظرلیگی‌نین مامورلاری حبسده اولان تورک ژورنالیست و مدنی فعال ابراهیم ساوالان‌ین (رشیدی) ایکس حسابینا ال قویدوقدان سونرا بو حساب دایاندیریلیب.
ابراهیم ساوالان‌ین ادمین طرفیندن یؤنتیلن اینستاگرام صفحه‌‌‌سینده بونونلا باغلی حکایه یایلاشاراق بو خبری بیلدیریب.
ابراهیم ساوالان‌ین توییتر صفحه‌‌‌سیندن ایرانین اطلاعات مامورلاری‌نین هر هانسی سوایستیفاده‌نین قارشیسینی آلماق اوچون یاییلان خبرده وورغولانیب کی، توییتر واسطه‌‌‌سیله هر هانسی بیر توییت و یا مئساژین آتیلماسی ادمین طرفیندن اولمایاجاق.
جناب رشیدی ۹ دی گونو خیاو شهری‌نین میرکندی کندینده آتاسی‌نین ائوینده گوونلیک گوجلری طرفیندن حبس ائدیلیب و ۱۰ دی ۱۴۰۲-ده اردبیل شهری‌نین اطلاعات ایداره‌سی‌نین تجرید‌خاناسینا کؤچورولوب.
ابراهیم رشیدی تانینمیش آراشدیرماجی، ژورنالیست و مدنی فعالیدیر. او، آیدا بیر یاییملانان بایرام و یاییملانماسی قاداغان اولونان نوید آذربایجان درگی‌لری‌نین یاییم هئیتی‌نین عضوو، بلاگ یازاری و اولدوز اؤیرنجی ژورنالی‌نین باش مودیری و بولوت اؤیرنجی درگی‌سی‌نین باش یازاری اولوب.
ابراهیم ساوالان سون ۲۰ ایلده مدنی فعالیتلرینه گؤره دفعه‌‌لرله توتولوب، حبس ائدیلیب و ایشگنجه‌لره معروض قالیب.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق