بهایی وطنداشلارا قارشی تضییقلرین آرتماسی‌نین آردینجا گوونلیک گوجلری ۱ بهمن ۱۴۰۲-جی ایل بازار گونو ساری‌ده “سعید خان یغما” آدلی اؤلموش بهایی‌نین آنیم مراسیمی‌نین کئچیریلمه‌سینه مانع اولدولار.
بو مراسیم جویبار یولوندا یئرلشن سالوندا کئچیریلمه‌لی ایدی، آنجاق مراسیمین باشلاماسینا ایکی ساعت قالمیش گوونلیک گوجلری طرفیندن مراسیم لغو ائدیلدی.
سعید خان یغما سون بیر نئچه گونده دونیاسینی ديیشیب و ساری‌نین روشنکوه کندینده دفن ائدیلیب.
قئید ائدک کی، سون بیر نئچه آیدا ساری شهرینده بهاییلرین دفن مراسیملری‌نین قاداغان اولونماسی ایله باغلی خبرلر یاییلیب.
آلینان بیلگیلره گؤره، ۲۴ آذر و ۲۶ مهرده اؤلن نورا ایمانی و گلچهره نوبخت (دارابی)، آدلی ایکی بهایی وطنداشین ساری شهرینده‌کی رئستورانلاردا آنیم مراسیمی لغو ائدیلیب و رئستوران صاحبلری مرحومون یاخینلارینا دئییبلر کی اماکنین امری ایله بهاییلره یئمک وئرمک قاداغاندیر.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق