ایران-عراق ساواشی یارالیلیاریندان بیری و بیر مدت عراقدا اسیر اولان بهروز فرزندی ۷ آیلیق حبسدن سونرا شیرازداکی عادل آباد حبس‌خاناسیندان شرطی اولاراق سربست بوراخیلیب.
بهروز فرزندی ۷ مرداد ۱۴۰۲-ده فیزیکی دورومو و حکیملرین گؤروشوندن آسیلی اولمایاراق حبس ائدیلدی و حؤکمو ایجرا ائتمک اوچون عادل آباد حبس‌خاناسینا آپاریلدی.
بوندان اؤنجه بهروز فرزندی ۱۷ فروردین ۱۴۰۰-ده بهایی دینینه تابع اولماقدا اتهام ائدیله‌رک حبس ائدیلمیش و ۱۳ اردیبهشت ۱۴۰۰-ده ایسه ۸۰۰ میلیون تومنلیک گیروو اؤدندیکدن سونرا مووقتی اولاراق آزاد ائدیلمیشدیر.
شیراز اینقیلاب محکمه‌‌سی‌نین بیرینجی شؤبه‌سی بو بهایی وطنداشی رژیمه قارشی تبلیغات آپارماق و بهایی ایجماسینا عضوو اولماق اتهامی ایله ۳۱ آی ۱۶ گون حبس جزاسینا محکوم ائدیب. سؤزوگئدن حؤکم ۱۶ اسفند ۱۴۰۰-ده ایجرا اولوندو و دؤرد آیدان سونرا بو بهایی ساواش یارالیسی‌نین دورومونون پیسلشمه‌سی سونراسی جناب فرزندی آزادلیغا بوراخیلدی.
آنجاق بیر داها ۱۴۰۲-جی ایل مرداد آییندا جزانی داوام ائتدیرمک اوچون حبس اولوندو.
بو ۵۷ یاشلی بهایی وطنداش ایران-عراق ساواشی زامانی ایکی ایل ایکی آی اسیر ساخلانیلیب و پارتلاییش دالغاسی‌نین تأثیریندن یارانان فیزیکی پروبلئملره گؤره اوردونون حکیم کمیته‌سی طرفیندن غازی تانینیب.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق