قائمشهر ساوجیلیغینین ۶-جی ایستینطاق شؤبهسینده ۱۵ بهایی وطنداشین سونونجو ساوونما اوتورومو کئچیریلیب. بو وطنداشلار ایسلام شریعتینه ضد اولان و آزغین ائیتیم و تبلیغات فعالیتی ایله اتهام اولونورلار.
بیلگیلی بیر قایناغین بیلدیردیگینه گؤره، بهمن آیینین ۱۰-دا ثنا الکترون سیستیم ایله ۱۵ بهایی وطنداش قائمشهر ایستینطاق شؤبهسینین آلتینجی شؤبهسینه چاغیریب. بو وطنداشلارین سون ساوونما اوتوروملاری ۱۷ بهمندن ۲۹ بهمنه قدر قائمشهر محکمهسینده آیری-آیری کئچیریلیب و موستنطیق آدیچکیلن شخصلری اطلاعات ایدارهسینین حساباتینا اساسلاناراق، ایسلام شریعتینه ضد اولان و آزغین ائیتیم و تبلیغات فعالیتی ایله ذهنی ایداره اوصوللاریندان ایستیفاده ائدهرک بهاییلیک قاپسامیندا ائتدیکلرینه دایاناراق اتهام ائدیب. بو اتهام ایسلام جینایت قانونونون ۵۰۰-جو مادهسینه دایانیر.
بو بهایی وطنداشلارین آدلاری، سهراب لقایی، زهرا گلابیان، فوائد لقایی، آناهیتا کوشکباغی، بنفشه اسدیان، سهیل حقدوست، راکوئل عطائیان،، شیرین کثیری، ملودی صمیمی، نسیم صمیمی، فارس فنائیان، حسین فنائیان، امیلیا فنائیان، ، هومن طائف، ، کیومرث اکبری اولاراق بیلدیریلیب.
چاغیریلان بهاییلر وکیل توتماق حوقوقوندان محروم ائدیلیبلر، چونکی اونلارا پروندهنین گوونلیک مسئلهسی اولدوغو اوچون ۴۸-جی مادهنین قئیدینه اساساً، یالنیز محکمه حاکیميتینین تعیین ائتدیگی وکیللردن وکیل سئچه بیلهجکلری بیلدیریلیب.
بو سببدن ۱۵ نفرین هامیسی یئکون ساوونما اوتورومونا وکیلسیز و پروندهنین ایچریگی ایله باغلی بیلگیسیز چیخیب و اوتورومون سونوندا اونلارین هر بیری گیروو قارشیلیغیندا بوراخیلیب.
قئید ائدک کی، بو ۱۵ بهایی وطنداش ۲۴ مهر گونو سهیل حقدوست و حسین فنائیان آدلی شخصلرین ائوینده قوناق اولدوقلاریندا گوونلیک گوجلرینین هوجومو سونراسی توتولوبلار. بیر مدت سونرا اطلاعات ایدارهسی بو شخصلرین هر بیریسینین حاققیندا پرونده آچیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق