Beynəlxalq Atom Enerjisi Agentliyinin son məxfi hesabatına görə, İslam Respublikası Fərdo və Nətənz nüvə obyektlərində uranın zənginləşdirilməsi üçün daha çox sentrifuqalar quraşdırmağı planlaşdırdığı barədə agentliyi məlumatlandırıb.
Reuters xəbər agentliyinin cümə axşamı, noyabrın 28-də verdiyi bu xəbərə görə, İran hökuməti bu obyektlərdə yeni quraşdırılmış cihazlardan istifadə etməyi və onları işə salmağı planlaşdırır.
Reuters yazıb ki, İslam Respublikası beynəlxalq agentliyə Fordo obyektlərində daha səkkiz təkmil IR6 sentrifuqası quraşdırdığı barədə məlumat verib.
Beynəlxalq Atom Enerjisi Agentliyinin üzvləri üçün hazırlanan bu məxfi hesabata əsasən, Tehran xam uranı işlətməyi və onu yüzdə 5 saflığa qədər zənginləşdirməyi planlaşdırır.
Tehranın bu hərəkəti İngiltərə, Fransa və Almaniyanın təklifi ilə Beynəlxalq Agentliyin Rəhbərlər Şurası 21 Fevralda İslam Respublikasının nüvə proqramına qarşı qətnaməni təsdiq etdikdən sonra baş verir.
Bu qətnamə Tehranın Beynəlxalq Atom Enerjisi Agentliyi ilə təcili əməkdaşlığının zəruriliyini vurğulayır. Bu qətnamədə agentliyin baş direktoru Rafael Qrossidən İran hökumətinin nüvə proqramının gedişatı ilə bağlı geniş hesabat hazırlaması istənilib.
Şərhlər