close button
İranwire-in yüngül versiyasına keçmək istəyirsiniz?
Deyəsən bu səhifədəki məzmunu yükləməkdə çətinlik çəkirsiniz. Bunu düzəltmək üçün İranwire-in yüngül versiyasına keçin.
Siyasət

İbrahim Rəisi İsraili hədələyib

Aprel 16, 2024
IranWire
1 dəqiqədə oxunur
İbrahim Rəisi İsraili hədələyib
İbrahim Rəisi İsraili hədələyib

İsrailin İrana qarşı təhdidləri artdıqca, İbrahim Rəisi bildirib ki, "İranın maraqlarına qarşı ən kiçik hərəkət" bütün günahkarlarına qarşı "geniş və ağrılı" cavabla qarşılanacaq.

Xarici işlər nazirinin siyasi müavini Əli Baqiri daha öncə radio proqramında İslam Respublikasının bu dəfə Təl-Əvivə mümkün hücuma reaksiyasının "saniyələr içində" olacağını bildirmişdi. O vurğulayıb ki, İsrail "bu dəfə daha güclü, daha sürətli və daha təcili zərbələrə məruz qalacaq" və "yəqin ki, onların 12 günlük müddətləri olmayacaq".

Dünən gecə İsrail Ordusunun Baş Qərargah rəisi Herzl Halevi, İranın bazar günü səhər tezdən raket və pilotsuz uçan aparat hücumuna Təl-Əvivin mümkün cavabı ilə bağlı ən aydın bəyanatında deyib ki, “İsrail İranın raket hücumuna cavab verəcək”.

Eyni zamanda İordaniyanın xarici işlər naziri təsdiq edib ki, ölkəsi şənbə gecəsi İslam Respublikasının İsrailə qarşı hərbi hücumunda İranın atdığı bəzi raket və pilotsuz təyyarələri ələ keçirib və məhv edib.

Ayman Safadi bazar ertəsi CNN-ə bildirib ki, İordaniya krallığı qorumaq üçün əlindən gələni edəcək”.

O əlavə etdi: “Bizim etdiyimiz uzunmüddətli siyasətimizə uyğun idi, hər hansı bir mərmi ilə; Biz hava məkanımıza daxil olan pilotsuz təyyarələr və bənzərləri ilə qarşılaşacağıq və bu qarşıdurmanı davam etdirəcəyik, çünki bu, İordaniya üçün təhlükədir”.

Başqa tərəfdən, Səudiyyə Ərəbistanı və BƏƏ-nin İran raketləri və pilotsuz təyyarələrinin tutulması prosesində iştirakını açıqlayan xəbərlərin əksinə, indi müxtəlif ərəb və ivrit mənbələri bu məsələni təkzib edir.

Səudiyyə hökumətinə bağlı Əl-Ərəbiyyə internet saytı məlumatlı mənbələrə istinadən xəbər yayıb ki, Səudiyyə Ərəbistan Krallığının İranın İsrailə raket və pilotsuz təyyarə hücumlarının qarşısını almaqda heç bir iştirakı yoxdur.

Bu hesabatın davamında vurğulanır ki, Səudiyyə Ərəbistanının heç bir rəsmi saytında İranın təxminən iki gün öncə İsrailə qarşı həyata keçirdiyi son hücumların qarşısının alınmasında Ər-Riyadın iştirakı ilə bağlı heç bir açıqlama verilməyib.

Bundan öncə Amerikanın “Wall Street Journal” qəzeti mənbələrə istinadən yazıb ki, BƏƏ və Səudiyyə Ərəbistanı İranın İsrailə raket və pilotsuz təyyarələrinin tutulması prosesində iştirak edib.

Şərhlər

Xəbərlər

İsrail rəsmisi: Savaş kabineti İran obyektlərinə hücumu nəzərdən keçirir

Aprel 15, 2024
1 dəqiqədə oxunur
İsrail rəsmisi: Savaş kabineti İran obyektlərinə hücumu nəzərdən keçirir