Suriyada İnqilab Keşikçiləri komandiri öldürülüb

İran mediası Suriyada İnqilab Keşikçiləri qüvvələrinin komandirlərindən birinin öldüyü barədə məlumat yayıb.

Mehr xəbər agentliyi bu İnqilab Keşikçiləri komandirinin kimliyini “Əbülfəzl Əlicani” olaraq bildirib və onun bazar ertəsi “məsləhət missiyası” zamanı öldürüldüyünü yazıb.

Mehrin yazdığına görə, o, İsfahandakı İnqilab Keşikçiləri Qvardiyasının Əmir əl-Möminin Elm və Texnika Universitetinin zabitlərindən biri və Suriyada hərbi məsləhətçi olub.

İslam İnqilabı Keşikçilərinin bu üzvü İsfahan əyalətinin Dərçe şəhərindən idi.

2011-ci ildə Bəşər Əsəd hökumətinə qarşı xalq etirazları başlayandan bəri İslam Respublikasının hərbi qüvvələri bu hökuməti qorumaq üçün Suriyada iştirak edir.

İndiyədək hökumət tərəfindən “ziyarətgah müdafiəçisi” adlandırılan bu qüvvələrin şoxlu hissəsi Əsəd rejiminin müxalifləri ilə toqquşmalarda və ya İsrailin hücumlarında öldürülüb.