Avropa Birliyinin İranda həbsdə olan diplomatı “İsraillə əməkdaşlıqda” ittiham edilib

İranda həbsdə olan Avropa Birliyinin isveçli diplomatı "Johan Floderus"un ittihamları ilə bağlı ilk məhkəmə iclası bazar günü 10 noyabrda İnqilab Məhkəməsinin 26-cı şöbəsində keçirilib.

“Fars” xəbər agentliyinin verdiyi xəbərə görə, bu məhkəmə iclasında prokurorun nümayəndəsi bu avropalı diplomata qarşı ağır ittiham aktını oxuyub, orada Johan Floderus "Yer üzündə korrupsiya, ölkənin təhlükəsizliyinə qarşı geniş hərəkət, İsrail ilə geniş kəşfiyyat əməkdaşlığı" ilə ittiham edilib.

Prokuror Johan Floderusun İsraillə əlaqəsini iddia edərək, onun İslam Respublikasına qarşı “məşhur Amerika, İsrail və Avropa qurumlarına əsaslanan təxribatçı layihələr” şəklində İsrailin xeyrinə məlumat toplamaq sahəsində fəal olduğunu iddia edib.

Prokuror ayrıca bildirib ki, Johan Floderus Avropa İttifaqının agentləri və elementləri və “münafiqlər terror qruplaşması” ilə əlaqəli nümayəndələrlə əlaqəsi var.

Brüsseldə yaşayan Johan Floderus 2019-cu ildən Aİ-nin daxili işlər və miqrasiya üzrə komissarının köməkçisi vəzifəsində çalışıb və 2021-ci ildə Aİ-nin xarici əlaqələr xidmətinə köçürülüb.

Johan Floderusun İranda saxlanması Avropa Birliyi və İsveç hökuməti tərəfindən 500 gündən çox gizli saxlanılıb. “New York Times” qəzetində hesabat dərc edildikdən və onun adının açıqlanmasından sonra Avropa Birliyinin xarici siyasət məmuru Josep Borrel Avropa İttifaqının isveçli diplomatının Çərşənbə axşamı, 5 sentyabr günü İranda həbs olunması xəbərini təsdiqləyib.

İsveç xarici işlər naziri “Tobias Billström” AFP-yə yazılı açıqlama göndərərək, bu İsveç vətəndaşının məhkəməsinə etirazını bildirib və onun həbsini “özbaşınalıq” adlandırıb.

İsveç xarici işlər naziri bildirib ki, “İsveç səfirliyinin katibi məhkəməyə gedib, lakin onun məhkəmə iclasında iştirakına icazə verilməyib. İsveç məhkəmədə iştirak etmək hüququ üçün müraciət etmişdi”.

Avropa Birliyinin xarici siyasət idarəsinin rəhbəri Josep Burrell verdiyi açıqlamada Johan Floderusun günahsız adlandırıb və deyib: “Biz Avropa Birliyi olaraq əvvəldən aydın idik; Cənab Floderus günahsızdır və onun həbsdə saxlanması tamamilə əsassızdır”. Bu bəyanatında o, Avropa İttifaqının bu İsveç vətəndaşının “dərhal” azad edilməsini tələb etdiyini vurğulayıb.