Tehran Kütləvi İnşaatçılar Birliyinin rəhbəri İran şirkətlərinin Venesuelada tikinti apardığını açıqlayaraq, İraq və Venesuela ölkələrində “ödəniş problemləri” səbəbindən ev tikintisinin dayandırıldığını bildirib.
Tehran Kütləvi İnşaatçılar Birliyinin rəhbəri İrəc Rəhbər dünən, 25 sentyabrda, ILNA xəbər agentliyinə deyib ki, İran Mahmud Əhmədinejadın prezidentliyindən bəri Venesuelada ev tikintisi layihəsinə başlayıb və ümumilikdə 10 min mənzil tikilib, lakin İndi dollar ödənişi dayandırılıb.
O, podratçı şirkətlərin və kütləvi inşaatçıların İraqın Süleymaniyyə şəhərinə uğursuz girişinə toxunaraq dedi: Baxmayaraq ki, əvvəlcə Süleymaniyyə bazarı texniki və mühəndislik xidmətləri və tikinti ixracı üçün əlverişli bazar kimi görünsə də, sonradan İran şirkətlərinin hətta maşınlarını bu sahədə qoyub ölkəyə qayıtması halları yaranıb.
Tehran Kütləvi İnşaatçılar Birliyinin rəhbəri ayrıca Venesuela bazarı ilə bağlı bildirib ki, bu bazar əvvəllər çox yaxşı olub və xərcləri dollarla ödəyiblər. Amma indi dollarla ödəniş dayanıb və xərclər öz ölkələrinin valyutası ilə ödənilir və İran şirkətləri bu pulu Venesuelada dollara çevirməli olurlar ki, bunun heç bir iqtisadi faydası yoxdur və mənzil layihələri davam etməyib.
O, İranın ABŞ sanksiyaları altında olduğunu və ayrıca FATF-ın qara siyahısında olduğu vəziyyətdə, necə İraq və ya Venesueladakı tikinti layihələrindən dollar qazanacağı izah etməyib.
Şərhlər