7 İyun 2021
İraq təhlükəsizlik qurumunun media birliyi, Əl-Anbar əyalətindəki Amerika hərbçilərinin qərargahı olan "Ayn əl-Əsəd bazasının hava müdafiə sisteminin qarşı-qarşıya gəldiyi iki pilotsuz təyyarəni vurduğunu elan etdi. Bu, son bir ayda bir pilotsuz təyyarənin Ayn əl-Əsəd bazasına bombalı ikinci hücumudur.
ABŞ-ın rəhbərlik etdiyi İŞİD-ə Qarşı Beynəlxalq Koalisiyanın verdiyi məlumata görə, Ayn əl-Əsəd bazasına hava hücumları Bağdad hava limanı yaxınlığında gecə yarısı raket hücumundan bir neçə dəqiqə sonra baş verib, lakin itki verməyib.
İŞİD-ə qarşı "Qətiyyət" əməliyyatı olaraq adlanan Beynəlxalq Koalisiyanın sözçüsü Polkovnik Vin Maruto da Twitter-də yazdı ki, Bağdad Diplomatiyanı Dəstəkləmə İnstitutunun yaxınlığında, 6 İyun Bazar günü saat 15-da bir raket vuruldu, lakin çox ziyan vurmadı və araşdırmalar davam edir.
Bu hava döyüşlərinin İranla əlaqəsi
Bəzi İraqlı mənbələr 21 mayda Reuters-ə bildiriblər ki, İranla əlaqəli milislər ABŞ qüvvələrinə qarşı hücumlar həyata keçirmək strategiyasını dəyişdirdilər; Beləliklə, İraqlı milislərdə yeni bir quruluş yaratmaqla, İran onların arasından yüzlərlə müttəfiq döyüşçü seçdi və daha kiçik, lakin güclü və sadiq birləşmələr yaratdı.
Reuters-in verdiyi məlumata görə, yeni ildə İran bu yeni gizli qruplara pilotsuz təyyarələrin istifadəsi, kəşfiyyat əməliyyatları və elektron müharibəni öyrədib. İran İnqilab Keşikçilərinin Qüds Gücü zabitlərinə bu ölkədəki müttəfiq vəkil qruplarına rəhbərlik etmələri tapşırılıb və onlarda əmrləri bu gücdən alırlar.
Bu yeni strategiyanın əlamətləri İranın ABŞ-ın raket zərbəsi nəticəsində Qüds Gücünün keçmiş komandiri Qasım Süleymaninin öldürülməsindən sonrakı hadisələrə verdiyi cavabda görülə bilər. İraq şiə qrupları onun əmrində fəaliyyət göstərirdi. Reuters başqa bir İraq təhlükəsizlik məqamına istinadən, yeni qrupların İran İnqilab Keşikçiləri Korpusu ilə birbaşa əlaqəsi olduğunu və İraq tərəfdən deyil bəlkə bu agentlikdən sifariş aldıqlarını söylədi.
İki İraq təhlükəsizlik məmuru da Reuters-ə verdiyi müsahibədə bunları söylədi: "Ən azı 250 İraqlı döyüşçü 2020-ci ilin müxtəlif aylarında Livana getdi və bu ölkənin Hizbullah üzvləri ilə yanaşı İran İnqilab Keşikçiləri tərəfindən İHA, raket atışları, bombalamalar və sosial media əməliyyatlarla əlaqəli xəbərlərin dərc edilməsi ilə bağlı təlimlərdan keçdilər"
İki məmura görə, bu Ayn əl-Əsəd bazasında, Aprel ayında Erbil Beynəlxalq Hava Limanında və yanvar ayında Səudiyyə Ərəbistanında ABŞ liderliyindəki xarici və İraq qüvvələrinə edilən hücumların hamısı bu yeni qruplar tərəfindən İHA bombaları istifadə edilərək həyata keçirildi. Deməli; Son aylarda ABŞ-ın İraqdakı hərbi bazalarına dəfələrlə hücum edildi, ABŞ da hücumlarda İranla əlaqəli qrupları günahlandırdı.
Şərhlər