22 İyul 2021
Tehran Apellyasiya Məhkəməsinin 36-cı şöbəsi, Batı Azərbaycan Əyalətinin Xoy şəhərində yaşayan mədəni fəal Əkbər Nəimini ümumilikdə 9 il 8 ay həbs cəzasına məhkum etdi.
Iranwire-ə çatan məlumatlara görə, Əkbər Nəimi ailəsi ilə təmasa keçərək, 21 İyul 2021-də, Təbrizdə tutulduqdan sonra Evin Həbsxanasına köçürüldüyünü və hazırda karantinada olduğunu bildirdi.
Tutulma üsulunu tənqid edən mədəni fəal, hökm elan olunmadan öncə tutulduğunu və məhkəmə hakimiyyəti tərəfindən özünə və ya vəkillərinə heç bir bildiriş göndərilmədiyini söylədi. Apellyasiya Məhkəməsinin hökmünün nəticəsi tutulmasından və həbsindən sonra Əkbər Nəimiyə bildirilib.
Tehran Apelyasiya Məhkəməsinin 36 saylı şöbəsi, İlkin məhkəmənin hökmünü qüvvədə saxlayaraq, Əkbər Nəimini "qanunsuz təşkilata üzv olmaq" ittihamı ilə beş il, "milli təhlükəsizliyə qarşı toplaşmaq və əl bir olmaq" ittihamı ilə dörd il həbs cəzasına məhkum etdi və" İslam Respublikasına qarşı çıxan qrupların lehinə təbliğat " ittihamı ilə ona 8 ay həbs cəzası verdi.
Bu mədəni fəal ayrıca iki il "ölkədən çıxma qadağası", iki il "siyasi və ictimai təşkilatlara, qruplara və dəstələrə üzv olma qadağası" və "etnik mənsubiyyəti təbliğ edən bölüşdürən müstəmləkə siyasətinə dair 90 səhifəlik bir araşdırma sənədinin hazırlanmasına", məhkum edilib.
Əkbər Nəimi, 22 Ynvar 2020-ci il tarixdə, Kəşfiyyat Nazirliyinin agentləri tərəfindən Tehrandakı iş yeri olan "milli hava yolları şirkətinin təmir bölməsində" tutulmuşdu və Evin Həbsxanasının 209 saylı Təhlükəsizlik Bölməsinə köçürülmüşdü. Azərbaycanlı mədəni fəal təxminən iki aylıq həbsdən sonra 200 milyon Tümən girov müqabilində sərbəst buraxılmışdı.
Əkbər Nəimi Batı Azərbaycan əyalətinin Xoy şəhərində anadan olub və mekanik mühəndisliyi fakültəsini bitirib. 2012-ci ildən bəri milli hava yolları şirkətinin təmir bölməsində çalışır. Lakin 2017-ci ilin Yanvarında tutulduğu gündən bəri işə qayıda bilmədi.
Əkbər Nəimi qeyri-hökumət təşkilatı olan "Evrin" və "Günəbaxan Dərnəyinin" Mərkəzi Şurasının üzvüdür. Azərbaycan ،Türkcəsi dilində təhsili sahəsində fəaliyyət göstərən bu qeyri-hökumət təşkilatlarının hər ikisi də məhkəmə qurumları tərəfindən bağlanmışdır.
📩 Bu xəbər haqqında əlavə məlumatınız varsa, lütfən bu E-mail vasitəsi ilə bizimlə əlaqə qurun: [email protected]
📞 Bu xəbərin qonusu ilə bağlı rəsmilərlə əlaqəyə keçmək istəyirsinizsə, lütfən İranın dörd bir yanında yer alan rəsmilərin siyahısına baxın: www.ostanwire.com
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
Şərhlər