Ərdəbil Mərkəzi Həbsxanasında həbsdə olan siyasi məhbus "Abbas Lisani" 30 Avqust 2021 Bazar ertəsi axşamı dörd günlük tibbi məzuniyyətə buraxılıb.
İranwire-in əldə etdiyi məlumatlara görə, Abbas Lisani, təqribən üç illik həbsdən sonra, ilk olaraq dünən 800 milyon Tümən girov qarşılığında tibbi məzuniyyətə buraxılıb.
Lisani 24 İyun 2021-də ürək xəstəliyi səbəbiylə bəzi testlər üçün Ərdəbildəki İmam Əli Tibb Klinikasına göndərilmişdi ancaq dərhal həbsxanaya qaytarılmışdı.
Abbas Lisani, davamlı işgəncə, çoxsaylı aclıq aksiyaları və uzun həbs cəzaları səbəbindən yüksək qan təzyiqi, yüksək ürək dərəcəsi və xroniki diz ağrısı və bel diskindən əziyyət çəkir. Bu siyasi məhbus, 2019-cu ilin dekabrında həbs olunduğundan bəri, təcili tibbi yardıma ehtiyac olması barədə Ərdəbil Həbsxanası həkiminin vurğulamasına baxmayaraq, tibbi məzuniyyətə göndərilməmişdi.
Abbas Lisani Ərdəbilli şairi, yazıçı və mədəni fəaldır. Bu siyasi məhbus Ərdəbil Mərkəzi Həbsxanasında 15 illik həbs cəzasını çəkir. Keçən ilin iyul ayında Ali Məhkəmə, Abbas Lisaninin etirazını rədd edərək, onun Ərdəbil Apellyasiya Məhkəməsində 8 ildən 15 ilə qaldırılan cəzasını eyni şəkildə təsdiqlədi.
📩 Bu xəbər haqqında əlavə məlumatınız varsa, lütfən bu E-mail vasitəsi ilə bizimlə əlaqə qurun: [email protected]
📞 Bu xəbərin qonusu ilə bağlı rəsmilərlə əlaqəyə keçmək istəyirsinizsə, lütfən İranın dörd bir yanında yer alan rəsmilərin siyahısına baxın: www.ostanwire.com
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
Şərhlər