اردبیل طب علملری بیلیم‌یوردونون رییسی بیلدیریب: کرونایا یولوخمادا آزالما گئدیشاتی داوام ائتدیکدن سونرا ایالتده‌کی خسته‌خانالارداکی یاتان خسته‌لرین سایی آزالاراق ۹۱ نفره چاتیب.
علی محمدیان اردی سون ۲۴ ساعتدا ایالتده‌کی خسته‌لرین سایی‌نین دا ۲۰ نفره آزالدیغینی بیلدیردی.
اردبیل طب علملری بیلیم‌یوردونون رییسی بیلدیریب: مشگین‌شهر، پارس‌آباد، اردبیل، نیر، خلخال و سرعین نارینجی و نمین، اصلاندوز، گرمی، بیله‌سوار و کوثر شهرلری ایسه ساری دورومدادیر.
او دئدی: سون ۲۴ ساعتدا ایالتده بیر کرونا خسته‌سی حیاتینی ایتیریب و کرونا اؤلوملری‌نین سایی بو خسته‌لیگین باشلانقیجیندان بو یانا ۲ مین ۷۶۰ نفره چاتیب.
او آرتیردی: ایندی ایالتده‌کی اؤزل باخیم شؤبه‌لرینده‌کی خسته سایی ۳۴ نفردیر.
او ایالتده ۳۷۵ مین ۵۱۲ نفرین کرونا آشیسی‌نین اوچونجو دوزونو ویردیغینی و بو سایینی ایالت اهالیسی‌نین یوزده ۳۷-سینی تشکیل ائتدیگینی بیلدیردی.
📩 بو خبر حاقیندا داها چوخ بیلگینیز وارسا، لطفا بو ایمیل واسطه‌سی ایله بیزیمله ایله‌تیشیمه کئچین:
📞 بو خبرین قونوسو ایله باغلی مسوول شخصلرله ایله‌تیشیمه کئچمک ایسته‌ییرسینیزسه، لطفا ایرانین دؤرد بیر یانیندا یئر آلان مسووللارین لیستینه باخین: www.ostanwire.com
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق