ایرانداکی عومومی اعتراضلارین قوربانلاریندان بیری اولان امیرمهدی فرخی‌پورون آتاسی سعید فرخی‌پور ایسلام جمهورییتی‌نین گوونلیک گوجلری طرفیندن حبس ائدیلیب.
ایرانداکی حوقوق ساوونوجولاری قروپونون خبر آژانسی اولان هرانا بو خبری آچیقلاییب و سعید فرخی‌پورون ۱۳ فروردین ۱۴۰۳-ده بهشت زهرادا اوغلونون مزارینی زیارت ائدرکن حبس اولوندوغونو بیلدیریب.
هرانین خبرینه گؤره، جناب فرخی‌پور بلیرسیز یئره کؤچورولوب و هله کی، اونو ساخلایان قوروم حاقیندا بیلگی یوخدور.
۱۷ یاشلی امیر مهدی فرخی‌پور ۵ مهر ۱۴۰۱-جی ایلده ایرانین عومومی اعتراضلاری‌نین قیزغین واختیندا تهرانین لاله پارکیندا دؤیوش گولـله‌سی ایله اؤلدورولوب. اعتراض ائدن بو یئنی‌یئتمه آلدیغی خسارتلردن بیر گون سونرا ۶ مهرده ۱۸ یاشینا دؤرد گون قالمیش دونیاسینی ديیشیب.
امیر مهدی فرخی‌پور قرافیک اوخولونون ۱۱-جی ایل اؤیرنجیسی ایدی و اوچ ایل آتاسی‌نین آیاق‌قابی ائمالات‌خاناسیندا، چانتا و آیاق‌قابی ماغازاسیندا ایشله‌ییب.
ایسلام جمهورییتی سون بیر ایلده “قادین، حیات، آزادلیق” آکسییالاریندا اؤلنلرین عائله‌‌‌لرینه بؤیوک تضییقلر گؤسترمیش و قوربانلاری حبس ائتمکله، قورخوتماقلا و ایش یئرلریندن قووماقلا اونلارین محکمه‌‌یه وئریلمه‌سی‌نین قارشیسینی آلماغا چالیشمیشدیر.
بو تضییقلر اؤتن گونلرده ده داوام ائدیب و بو یاخینلاردا کوردوستان ایالتی‌نین دیواندره شهری‌نین عومومی و اینقیلاب محکمه‌‌سی طرفیندن فواد قدیمی‌نین قارداشی امید قدیمی ۴۰ آی حبس و جریمه‌یه محکوم ائدیلیب.
بوندان اؤنجه ده میلاد سعیدیانجونون قارداشی و باجیسی امید و زهرا سعیدیان‌جو ایذه شهرینده‌کی اینقیلاب ساوجیلیغینا چاغیریشلارینی اعلان ائدیبلر.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق