ایران ایسلام جمهورییتینین لیدری دؤولت یئتکیلیلری ایله گؤروشونده مجبوری حجابا اؤزل دقت چکیب و بیلدیریب کی، منه چاتان خبره گؤره، دوشمنلر حجابلارینی چیخارماق اوچون بعضی قادینلاری ایشه گؤتوروبلر. او آرتیریب کی، حجاب بیر باشلانقیجدیر و دوشمنین مقصدی اؤلکهنی رزیل دؤولت اولان اینقیلابدان اؤنجهکی دوروما قایتارماقدیر.
ایران ایسلام جمهورییتینین لیدری علی خامنهای چارشنبه گونو، ۱۵ فروردین آخشامی حؤکومت یئتکیلیلری ایله گؤروشونده حجاب مسئلهسینی مجبوری چاغیریش آدلاندیریب و بیلدیریب کی، اؤنجهلر اؤلکهده حجاب مسئلهسی اولماییب. او آرتیردی: حجاب شریعت حؤکمودور. قادینلار بونا عمل ائتمهلیدیر. حجاب قانوندور و هم شریعته اینانانلار، هم ده اینانمایانلار اونا رعایت ائتمهلیدیرلر.
خامنهای آرتیریب کی، "قادینلار حجابا رعایت ائتمهلیدیرلر، هامی اونا رعایت ائتمهلیدیر. حؤکومتده، محکمه سیستمیده و باشقا قوروملارین دا بو قونو دا شرعی و قانونی مسوولیتی وار".
ایسلام جمهورییتینین لیدری آیریجا رئیسی حؤکومتینین حرکتلرینی سیخ آدلاندیریب و بیلدیریب کی، یوکسک قیمتلر، بازاردا استقرارسیزلیق و میلی پولون اوجوزلاشماسی ایران اقتصادياتینین آجی طرفیدیر. او، آرتیریب کی، اقتصادياتیمیزین شیرین طرفی گئنیش یاپیسال فعالیتلریدیر کی، اونلارین سونوجلاری اورتاموددتلی زاماندا گؤرونهجک. او، آغیر اقتصادی دوروما و خالقین طلبلرینه توخوناراق بیلدیریب کی، خالقدان گؤزلنتی بودور کی، یئتکیلیلرین اقتصادی قرارلاری و حرکتلری اونلارین حیاتینا حیس اولونان ائتکی گؤسترسین. بو گؤزلنتی یئرینه یئتیریلمهلیدیر.
علی خامنهای چیخیشینین بیر حیصهسینده اسرائیلین دمشقدهکی کونسوللوق بیناسینا هوجومونا دا توخونوب و دئییب کی، سوریهدهکی ائتدیکلری کیمی اومیدسیز چابالاری اونلاری مغلوبیتدن قورتارمایاجاق. او، بیر داها هدهلهدی کی، بو حرکتین سونوجو اولاراق طبیعی کی، اونلارا شیلله وورولاجاق.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق