بهایی وطنداشلارا قارشی تضییقلرین گوجلنمهسینین آردیندان ۲۰ فروردین ۱۴۰۳ بازار ائرتهسی اصفهانین بهاریستان شهرینده یاشایان ۱۵ بهایی قادین ساخلانما قراری ایله اینقیلاب ساوجیلیغی طرفیندن چاغیریلیب.
محکمهیه چاغیریش تقصیرلندیریلن شخصین تقصیری موستنطیق طرفیندن تصدیق ائدیلدیکده و سونوجدا موستنطیق طرفیندن محکمهیه چاغیریش ورقهسی وئریلیر. چاغیریش ورقهسینی آلدیقدان سونرا تقصیرلندیریلن شخص اؤزونو ساوونماق اوچون محکمهیه گلمهلی و جزانین میقداری بللی ائدیلمهلیدیر.
مژگان پورشفیع، نسرین خادمی، آزیتا رضوانی خواه، شعله آشوری، مژده بهامین، بشری مطهر، سارا شکیب، سمیرا شکیب، رویا آزادخوش، نوشین همت، شورانگیز بهامین، ساناز راسته، مریم خورسندی، فیروزه راستی نژاد و فرخنده رضوان پی، چاغیریش آلان ۱۵ بهایی قادیندیر.
بو بهایی وطنداشلارین اتهاملاری ایله باغلی هئچ بیر بیلگی یوخدور.
بو شخصلرین ائولرینده ۱۴۰۰-جو یلین اردیبهشت آییندا اطلاعات ناظرلیگینین امکداشلاری طرفیندن آختاریش آپاریلیب، اونلاردان بیر سیرا دینی اشیالار و کیتابلار موصادیره ائدیلیب. بو عملیاتدا همین وطنداشلاردان ۱۱ نفری شخصی ائولرینده حبس ائدیلهرک بیر آیدان سونرا گیروو قارشیلیغیندا سربست بوراخیلیب.
سون بیر ایلده بهایی وطنداشلارا، اؤزللیکله ده بهایی قادینلارا قارشی باسقیلار گوجلهنیب و بیلگیلره گؤره، سون بیر ایلده یوزدن چوخ بهایی قادین ساخلانیلیب و یا حبس ائدیلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق