رویترز خبر وئریر کی، ایراندا حبسده اولان ایکیلی وطنداش نازنین زاغری و انوشه آشوری اؤلکهنی ترک ائتمک اوچون هاوا لیمانینا آپاریلیب.
ایسلام جمهورییتینین خبر شبکهسی ده نازنین زاغرینین جزاسینی چکدیکدن سونرا بریتانیا حؤکومتینه تحویل وئریلدیگینی یازیب.
بریتانیالی ملت وکیلی تولیپ صدیق مئساژیندا نازنین زاغرینین ایرانی ترک ائتدیگینی یازیب. بریتانیالی ملت وکیلی انوشه آشورینین آدینی چکمهییب.
دونن نازنین زاغرینین ۶ ایلدن سونرا بریتانیا پاسپورتونو گئری آلدیغی آچیقلانمیشدی.
خانیم زاغری ۱۳۹۶-جی ایلین فروردین آییندان بری ایراندا حبس ائدیلیب و جاسوسلوق اتهامی ایله ۵ ایل مدتینه آزادلیقدان محروم ائدیلیب.
انوشه آشوری ده ایکیلی ایران-بریتانیا وطنداشیدیر. امکلی موهندیس ۱۳۹۶-جی ایلین یاییندا آناسینی زیارت ائتمک اوچون ایرانا گئدن زامان حبس ائدیلیب. ایسلام جمهورییتینین محکمه سیستمی اونو “موسادا جاسوسلوق اتهامی ایله اون ایل، قانونسوز ثروت توپلاماق اتهامی ایله ایسه ایکی ایل حبس جزاسینا محکوم ائدیب.
بو اتهاملار ائله بیر حالدا بو وطنداشلارا قارشی ایرهلی سورولوب کی، سونرادان بللی اولوب، ایسلام جمهورییتی حاکیميتی نازنین زاغرینین آزادلیغا بوراخیلماسی اوچون بریتانیانین ایرانا بورجونو اؤدهمیی تکلیف ائدیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق