ABŞ dolları yenidən rekorda imza atıb

Son bir ayda İran rialı təxminən yüzdə 14 dəyər itirib və bu gün 2 aprel 2024-də 63 min tümənə yaxın olub.

9 gündən az bir müddət öncə, aprelin 5-də İran pul vahidinin dəyəri iranlılar Novruz şənlikləri ilə məşğul olarkən yeni rekorda imza ataraq 61350 tümənə çatmışdı.

Bu, İran prezidenti İbrahim Rəisi seçki kampaniyalarında rialın dəyərini qoruyub saxlamağa və inflyasiyanı önünü kəsməyə söz versə də, onun hökuməti 2021-ci ilin avqustunda işə başlayandan bəri dolların İran rialına nisbətdə məzənnəsi 2,5 dəfədən çox artıb.

İranın İqtisadiyyat Nazirliyinin gömrük və məsul şəxsləri ötən aylarda qeyri-neft ticarətində mənfi saldonun pik həddə çatması səbəbindən ilk dəfə olaraq neft, elektrik enerjisi və mühəndislik xidmətlərinin ixrac statistikasını ölkənin gömrük statistikasına əlavə ediblər ki bəlkə ölkənin qeyri-neft ticarətində böyük mənfi göstərgə görünməsin.

İran gömrüyü neft, elektrik enerjisi və mühəndislik xidmətlərinin ixracını nəzərə alaraq, ötən ilin 11 ayında ölkənin ümumi xarici ticarət balansının 19 milyard dollar olduğunu iddia edib, lakin bu hesabatda ölkənin xarici ticarəti haqqında tam təsəvvür yaratmaq üçün elektrik enerjisi, neft məhsulları və İran xidmətlərinin idxalının statistikası yer almayıb.

İran Mərkəzi Bankının statistikası ölkənin 15 milyard dollarlıq xidmət idxalına və bu məbləğin yarısına xidmət ixracına malik olduğunu göstərir.