İranın yüksək rütbəli rəsmisi Reuters agentliyinə bildirib ki, Tehran Dəməşqdəki müxalifət rəhbərliyinin bəzi qrupları ilə əlaqə yaratmaq üçün birbaşa kanallar yaradıb.
Bu rəsmi əlavə edib ki, İslam Respublikası iki ölkə arasında düşmənçilik yolunun qarşısını almaq üçün Suriyanın yeni rəhbərliyi ilə birbaşa dialoqa hazırdır.
O deyib ki, Dəməşqdə mühüm müttəfiqinin itirilməsi və yanvarda Donald Trampın Ağ Evə qayıtması ilə İranın ruhani liderləri Suriyanın yeni liderləri ilə əlaqə saxlamağa hazırdırlar.
Bu yüksək vəzifəli məmur əlavə edib: "Bu əlaqə münasibətləri sabitləşdirmək və bölgədə daha da gərginliyin qarşısını almaq üçün həyati əhəmiyyət kəsb edir".
İran prezidenti Məsud Pezeşkian da Bəşər Əsəd hökumətinin devrilməsi ilə bağlı ilk reaksiyasında demişdi: Suriya xalqı öz ölkəsinin və siyasi sisteminin gələcəyi ilə bağlı xarici müdaxilə olmadan və zorakılıqdan uzaq, dinc bir mühitdə qərar verməlidir.
İslam Respublikasının xarici işlər naziri Abbas Əraqçi də deyib: “Təəccüblü olan Suriya ordusunun bacarıqsızlığı və hadisələrin gözlənilməz sürəti idi. Bəşər Əsədlə keçirdiyimiz görüşdə onun özü də ordunun performansına təəccübləndi. Suriya ordusu psixoloji və media əməliyyatlarının təsirinə məruz qaldı.”
Şərhlər