۲۲ آبان ۱۳۹۹ جوما آخشامی، سانال اورتامدا بیر نئچه نفرین یارالی بیر قوردا ایشگنجه وئردیگینی گؤسترن بیر ویدئو یاییملاندی.
بو حئیوانا قارشی شدتین قوزئی خوراسان ایالتینین شیروان شهرینده اولدوغو بیلدیریلدی.
بو ویدئودا بیر نئچه نفر کامئرا قارشیسیندا و داواملی اولاراق اؤلوم حالیندا اولان قوردون باشینا و بدنینه ديَهنکله وورورلار.
نهایت قورد وورولان ضربهلر نتیجهسینده اؤلدورولدو.
بو ویدئونون یاییملانماسی سوسیال مئدیا قوللانیجیلارینین تبکیسی ایله قارشیلاشدی.
ایراندا حئیوانلارا قارشی شدت و اؤلدورولمه، حئیوان حوقوقلارینین بیلینمهمهسی و جدی حوقوقی مانعلرین اولماماسی کؤلگهسینده داوام ائدیر و خبرلری سورکلی مئدیادا یاییملانیر.
۱۳۹۴-جو ایلده ایرانین چئوره تشکیلاتی حئیوانلارا قارشی شدتی قاداغان ائدن بیر قانون لاییحهسینی حؤکومته تقدیم ائتدی. آنجاق آلتی ایله یاخین بیر مدت کئچمهسینه باخمایاراق، قانون لاییحهسی هله ایران مجلیسی طرفیندن اونای آلا بیلمهییب.
📩 بو خبر حاقیندا آرتیق بیلگینیز وارسا، لطفا بو ایمیل واسطهسی ایله بیزیمله ایلتیشیمه کئچین: [email protected]
📞 بو خبرین قونوسو ایله باغلی مسوول شخصلرله ایلتیشیمه کئچمک ایستهییرسینیزسه، لطفا ایرانین دؤرد بیر یانیندا یئر آلان مسووللارین لیستینه باخین: www.ostanwire.com
یوروم یازماق