ایسلام جمهورییتینین قوروجوسونون نوهسی یاسر خمینی، سید حسن خمینینین، ایسلام جمهورییتینین لیدری "علی خامنهای" ایله گؤروشمهسیندن سونرا جمهور باشقانلیغی سئچکیلریندن واز گئچدیگینی سؤیلهدی.
او، علی خامنهاینین قارداشینین آدایلیغینی اویغون گؤرمهدیگینی سؤیلهدی.
جمارانین یازدیغینا گؤره، ۱۴۰۰-جو ایل فروردینین ۲۴-ده چارشنبه آخشامی، یاسر خمینی قارداشینین ۱۳-جو جمهور باشقانلیغی سئچکیلرینه آدایلیغی ایله ایلگیلی دئدی: بو گونه قدر ترددله مصلحتلشیردی و مسئلهنین فرقلی یؤنلرینی آراشدیریردی، رهبر ایله نؤوبتی گؤروشلرینه گؤره، اونونلا گؤروشمهیه گئتدیلر، بو گؤروشمهده اینقیلابین عالی رهبری سئچکیلرده آدایلیغینی اویغون گؤرمهدیگینی و حاج حسن آغانی اؤز اوشاغی کیمی بیلهرک ایندیکی دورومدا بو ساحهیه گیرمهمهسینی ایستهدیلر.
سون آیلاردا قارداشینین سئچکییه قاتیلماسی اوچون چوخ شانس اولدوغونو سؤیلهدی، چونکی اؤلکهنی "هامیسی بیرلیکده" شوعارییلا بیرلشدیره بیلن تکجه شخص ایدی.
یاسر خمینی، علی خامنهاینین قارداشینین سئچکیلرده آدای اولماسینی اویغون گؤرمهمهسینی "تؤوصیه" آدلاندیردی و سید حسن خمینینین کسینلیکله آدای اولماق نيتینده اولمادیغینی وورغولادی.
سون گونلرده سید حسن خمینی اؤلکهده جوشقولو سئچکینین مردم اوچون گئجه یئمهییندن داها واجیب اولدوغونو سؤیلهمیشدی.
ایرانین اون اوچونجو جمهور باشقانلیغی سئچکیلری ۱۴۰۰-جو ایل ۲۸ خرداد تاریخینده کئچیریلهجک.
سون آیلاردا ایرانداکی رفرمیست و ملایم جبههلر یئنی بیر آدای پئشیندهیدیلر کی سید حسن خمینی اساس سئچهنکلردن بیر ایدی.
📩 بو خبر حاقیندا داها چوخ بیلگینیز وارسا، لطفا بو ایمیل واسطهسی ایله بیزیمله ایلهتیشیمه کئچین:
📞 بو خبرین قونوسو ایله باغلی مسوول شخصلرله ایلهتیشیمه کئچمک ایستهییرسینیزسه، لطفا ایرانین دؤرد بیر یانیندا یئر آلان مسووللارین لیستینه باخین: www.ostanwire.com
یوروم یازماق