باتی آذربایجان ائیتیم مودیرلیگینین یاییملادیغی بیلدیریشه گؤره قیرمیزی و نارینجی دورومدا اولان شهرلرده صنعت و علمی اوخوللار دیشیندا بوتون اوخوللار بیر هفته بویونجا تعطیل ائدیلیب.
بو بیلدیریشه اساسا ساری دورومدا اولان شهرلرده اوخوللار ساغلاملیق قایدالارینین رعایت ائدیلمهسی ایله آچیق اولاجاق.
باتی آذربایجان طب علملری بیلیمیوردونون کئچیجی رئیسی سون ۲۴ ساعتدا ایالتده ۵۳۴ نفرده کرونا خستهلیگینین تثبیت ائدیلدیگینی و اونلاردان ۱۴۷نفرینین خستهخانایا یئرلشدیریلدیگینی بیلدیریب.
محمدامین ولی زاده بیلدیردی: ۱۴۷ خستهنین خستهخانایا یئرلشدیریلمهسی ایله باتی آذربایجاندا خستهخانایا یئرلشدیریلن کرونا خستهلرینین توپلام سایی ۷۴۲ نفره چاتدی.
او ۱۹۰ خستهنین اؤزل باخیم شؤبهلرینده خستهخانایا یئرلشدیریلدیگینی و ۴۰ نفرین ونتیلاتورلا نفس آلدیغینی ایفاده ائتدی.
او بیلدیردی باتی آذربایجاندا ۸ خستهنین اؤلومو ایله کرونا اؤلوملرینین توپلام سایی ایندیه قدر ۷ مین ۳۵۹ نفر اولاراق قئیده آلینیب.
اونون دئدیگینه گؤره ایندی بو ویروس اوشاقلاری داها چوخ ائتکی آلتینا آلیر و خسته خانالاردا یاتان خستهلردن یوزده ۱۵ اوشاقلاردان تشکیل تاپیب.
📩 بو خبر حاقیندا داها چوخ بیلگینیز وارسا، لطفا بو ایمیل واسطهسی ایله بیزیمله ایلهتیشیمه کئچین:
📞 بو خبرین قونوسو ایله باغلی یئتکیلی شخصلرله ایلهتیشیمه کئچمک ایستهییرسینیزسه، لطفا ایرانین دؤرد بیر یانیندا یئر آلان یئتکیلیلرین لیستینه باخین: www.ostanwire.com
یوروم یازماق