دونیا فوتبول فدراسیونو (فیفا) و آوروپا فوتبول فدراسیونلاری بیرلیگی (یوفا) بیرگه قرارلا روسیانین بوتون میلی و کلوب فوتبول کوماندالارینا بوتون اویونلاردا ایشتیراک ائتمیی قاداغان ائدیب.
بو، روسیانین اوکراینایا حربی موداخیلهسیندن و اولوسلارآراسی المپیک کومیتهسینین روسیا کوماندالارینی و ایدمانچیلارینی بویکوت ائتمک گؤستریشیندن سونرا باش وئریب.
بئلهلیکله، ۲۰۲۲ دونیا کوپاسینین سئچمه مرحلهسینده لهستان، سوئد و چک میلیلری ایله قارشیلاشمالی اولان روسیا میلیسی یاریشدان تامامیله کنارلاشدیریلیب. لهستان میلیسی داها اؤنجه فیفانین گؤستریشی اولسا بئله، روسیا میلیسینه قارشی اوینامایاجاغینی آچیقلامیشدی.
روسیانین قادینلار فوتبول میلیسی ده یورو ۲۰۲۲ یاریشلاریندان اوزاقلاشدیراجاق.
فیفا و یوفا روسیا میلی و کلوب فوتبول کوماندالارینا قارشی تحریملری نه زامان دایاندیریلاجاغی تاریخی آچیقلاماییبلار.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق