باتی آذربایجانین طب علملری بیلیم یوردونون درمان اوزره معاونی دئییب: ایالتده بعضی اوزمانلیق آلانلاردا حکیم چاتیشمازلیغی ایله اوزلشیریک.
مسعودی ایسنایا وئردیگی موصاحیبه‌ده دئییب: بعضی ساحه‌‌‌لرده، مثلا، آنئستئزی (بیهوشی) بؤلومونده حکیم و اوزمان چاتیشمازلیغی ایله اوزلشیریک کی، بو دا میلی پروبلئمدیر و ایالتیمیزه اؤزل دوروم دئییل.
او بیلدیریب: آنئستئزی قبول ائتمک قابیلیتینه مالیک ۳۰۰ نفرلیک یئره یالنیز ۳۰ نفر باشووروب و ایندی بو ساحه‌‌‌ده ۲۷۰ نفر بوش یئریمیز وار.
مسعودی شهرلرده ایشچی قوه‌سی و اوزمان حکیم چاتیشمازلیغی ایله باغلی بونلاری بیلدیریب: بعضی شهرلرده تک اوزمانلیق آلانی وار و بعضیلرینده اوزمان حکیم گتیرمک اوچون داواملیلیق پلانیندان ایستیفاده ائدیریک و حکیم مرخصی‌ده اولاندا یئرینه باشقا حکیمدن ایستیفاده ائدیریک.
باتی آذربایجانین طب علملری بیلیم یوردونون درمان اوزره معاونی نورمال واختدا طب باجیسی چاتیشمازلیغی‌نین اولمادیغینی وورغولایاراق قئید ائدیب: تأسفلر اولسون کی، کرونا خسته‌لیگی‌نین باش وئرمه‌سی ایله بیز کادر چاتیشمازلیغی ایله اوزلشیریک. مثلا، حاضردا طالقانی خسته‌خاناسیندا کرونا خسته‌لیگی اولان و قرنطینه‌ده اولان ۴۵ طب باجیسی وار.
او، داوام ائتدی: ایالتده طب باجیسی کادرلاری چاتیشمازلیغی سببیندن ایشه آلینماق اوچون بیر سیرا ایجازه‌لر وئریلیب و یاخین واختلاردا یئنی کادرلارین ایشه آلینماسی گوندمده اولاجاق.
📩 بو خبر حاقیندا داها چوخ بیلگینیز وارسا، لطفا بو ایمیل واسطه‌سی ایله بیزیمله ایله‌تیشیمه کئچین:
📞 بو خبرین قونوسو ایله باغلی مسوول شخصلرله ایله‌تیشیمه کئچمک ایسته‌ییرسینیزسه، لطفا ایرانین دؤرد بیر یانیندا یئر آلان مسووللارین لیستینه باخین: www.ostanwire.com
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق