سلمان خدادادی تجاووز اتهامیندان برائت آلدی

 تهران جینایت محکمه‌‌سی قادینا تجاووز اتهامی ایله گوناهلاندیریلان کئچمیش مجلیس عضوو سلمان خدادادی‌یه برائت وئردی.

محکمه‌‌ سلمان خدادادی‌نی «قئیری قانونی ایلیشگی و مقامیندان سوءایستیفاده اتهامی ایله، ایکی ایل دؤولت قوللوغوندان کنارلاشدیریلماسی و 99 قامچی» جزاسینا محکوم ائتدی.

موتهیمین یئنیدن اعتراض ائتدیگی تقدیرده بو حؤکمه عالی محکمه‌‌ده باخیلاجاقدیر.

بو ایکینجی دفعه‌‌دیر کی، کئچمیش مجلیس عضوونون پرونده‌سینه تهران ایالتی‌نین جینایت محکمه‌‌سینده باخیلیر.

محکمه‌‌ پروسئسی‌نین ایلک توروندا تهران جینایت محکمه‌‌سی‌نین 5-جی شؤبه‌سی خدادادی‌نی «تجاووز ائتمکدن» گوناهکار بیلدی، لاکین اونون موراجعتی محکمه‌‌نین قرارینی لغو ائتدی.

بو کئچمیش مجلیس عضوونه قارشی آچیلان پرونده زهرا نویدپور آدلی گنج بیر قادین طرفیندن اولدو. او شیکایتینده بو ملت‌وکیلی‌نین اونا تجاووز و زوربالیق ائتدیگینی ادعا ائتدی.

گنج قادین، ملت‌وکیلی‌نین اونونلا ایلیشگیسی اولدوغونو ثبوت ائتمک اوچون سس سندلری ده تقدیم ائتدی.

محکمه‌‌ اونو علاوه‌‌ ایضاحات اوچون چاغیردیغیندا قادی‌نین اؤلدویو اعلان ائدیلدی و ایلکین آراشدیرمالارلا اونون اینتیهار ائتدیگی بیلدیردی.

بو خبر حاقیندا علاوه‌‌معلوماتینیز وارسا، لطفا بو ایمیل واسطه‌‌‌سی ایله بیزیمله ایلتیشیمه کئچین:[email protected]

بو خبرین قونوسو ایله علاقه دار مسوول شخصلرله ایلتیشیمه کئچمک ایسته‌ییرسینیزسه، لطفا ایرانین دؤرد بیر یانیندا یئر آلان مسووللارین لیستینه باخین: www.ostanwire.com