تخمیناً ایکی آیدیر کی، رضوی خوراسان ساکینلری مایع گاز آلماق اوچون اوزون نؤوبه‌‌لرده دایانیب و چوخ واخت ائولرینه الی‌بوش قاییدیردیلار.
تسنیم خبر آژانسی‌نین وئردیگی معلوماتا گؤره، مایع گازین نؤوبه‌‌سینده دایانانلارین بیر چوخ شیکایتلری وار، بونلارین بعضیلری بو پروبلئمین یؤنتیجیلر طرفیندن بیر پلانین اولماماسی ایله علاقه دار اولدوغونو دئییرلر.
بو خبر آژانسی یازدی «اینسانلار حؤکومتین مایع گاز کپسوللارینین پایلانماسی یولوندا یاراتدیغی وضعيتدن ناراحاتدیلار.»
ساکینلردن بیری دئییر «کندیمیزه گاز وئریلیب، آما بورولاردا گاز یوخدور، بونا گؤره نفت پاییمیز کسیلیب و مایع گازدان ایستیفاده ائتمه‌لی‌ییک، بو گونلرده بو کپسوللاری آلماق چوخ چتیندی.»
بو پروبلئملره باخمایاراق، رضوی خوراسان پترول محصوللاری داغیتیم شرکتی‌نین رییسی وظیفه‌‌‌میزین نفت محصوللاری تداروکو اولدوغونو دئدی و صنایع، معدنلر و تیجارت کیمی دیگر قوروملارین بو پروبلئمی حل ائتمه‌لری‌نین لازیم اولدوغونا اینانیر.
علی‌اصغر اصغری علاوه ائتدی: «اؤنجه‌لر مایع گازین پایلانماسی بعضی قوروملار واسطهسی ایله الدن حواله یولو ایله حیاتا کئچیریلیردی. بو عنعنه‌‌وی بیر متد ایدی و تام نظارت مومکون دئییلدی.»
رضوی خوراسان ایالتینده مایع گاز کپسوللاری حاضردا قارا بازاردا ۱۰۰ مین تومنه قدر ساتیلیر.
📩 بو خبر حاقیندا علاوه‌معلوماتینیز وارسا، لطفا بو ایمیل واسطهسی ایله بیزیمله ایلتیشیمه کئچین:
📞 بو خبرین قونوسو ایله علاقه دار مسوول شخصلرله ایلتیشیمه کئچمک ایسته‌ییرسینیزسه، لطفا ایرانین دؤرد بیر یانیندا یئر آلان مسووللارین لیستینه باخین: www.ostanwire.com
یوروم یازماق