اؤیرنجی فعال «لیلا حسین‌زاده»، «اوین» حبس‌خاناسینداکی یئتکیلی‌لرین حبسده اولان فعال علی نوری‌نین «امین آباد» روحی خسته‌خاناسینا کؤچوردویونو بیلدیردی.
حسین‌زاده ۱۴ اسفند ۱۳۹۹ جوما آخشامی توییتر حسابیندا، حبس‌خانا یئتکیلی‌لری‌نین آلداتیجی بیر شکیلده علی نورینی امین‌آباد روحی خسته‌خاناسینا گؤندرمه‌یی پلانلاشدیردیغینی، آنجاق خسته‌خانا ایله کوردیناسیونا کئچه‌مه‌دیکلری اوچون بو سیاسی محبوسون اوین حبس‌خاناسینا قایتاریلدیغینی یازدی.
او، نوری‌یه ۱۳ اسفند چارشنبه گونو آجیل اولاراق امام خمینی خسته‌خاناسینا کؤچوروله‌جیی‌نین بیلدیریلدیگینی سؤیله‌دی.
حسین‌زاده بو سیاسی محبوسا الکتریک شوکو اوچون باسقیلارین اویغولاندیغینی دا خبر وئردی و یازدی: «گؤرونن بودور کی علی، بهنام محجوبی‌نین طالعیینه آددیم آددیم یاخینلاشیر. ساغلیق مرکزینه یاخین اولدوغو بهانه‌سی ایله اونو ۴-جو بندده ساخلاییرلار و اؤز بندینه گؤندرمیرلر. 8-جی بندین بهداری‌یه صاحیب اولدوغونا باخمایاراق.»
علی نوری ۶ ایل حبس جزاسینا محکوم ائدیلدی و حاضیردا اوین حبس‌خاناسیندا جزاسینی چکیر.
بو فعال، ۹ دی ۱۳۹۶-جی ایل تاریخینده، عسگر ایکن تهران‌ین «ولی‌عصر» میدانیندا گوونلیک گوجلری طرفیندن توتولدو و اوین حبس‌خاناسینا کؤچورولدو. توتولدوقدان سونرا «ماشاالله احمدزاده»نین باشقانلیغیندا تهران اینقیلاب محکمه‌‌سی‌نین ۲۶سایلی شؤبه‌سی، نوری‌یه «رژیمه قارشی تبلیغات» و «داخیلی و خاریجی گوونلیگه قارشی جینایت تؤرتمک آماجی ایله گیزلی ال بیر اولماق» اتهامی ایله ۷ ایل ۶ آی حبس جزاسی وئردی کی بو جزانین ۵ ایلی ایجرا اولوناجاق.
نوری داها اؤنجه ده توتولموشدو کی اؤنجه‌کی حبسی‌نین بیر ایلی ده یئنیدن توتولما نه‌دنی ایله بیرلیکده ایجرا اولوناجاق.
لیلا حسین‌زاده، ۲۵ بهمن «لقمان خسته‌خاناسی»نا کؤچورولن و بیر هفته سونرا عائله‌‌‌سی‌نین زیارتینه ایجازه وئریلمه‌دیگی آندا وفات ائدن گنابادلی درویش «بهنام محجوبی»یه اشاره ائدیر.
محجوبی بیر سینیر خسته‌لیگیندن اذيت چکیردی و حبس‌خانادا اوزون مدت درمان آلماسینا ایجازه وئریلمه‌دی.
بو یای خسته‌خانایا آپاریلماق و حکیم موعاینه‌‌سیندن کئچیرمک یئرینه امین‌آباد روحی خسته‌خاناسینا یئر‌لشدیریلدی. خسته‌خانادا قالدیغی سوره‌ده اونا ترکیبینده بیلینمه‌ین درمانلار وورولوب.
بهنام محجوبی حبس‌خانایا قایتاریلدیقدان سونرا بدنی‌نین یاریسی فلج اولدو، آنجاق اوین حبس‌خاناسی‌نین یئتکیلیلی‌لری اونون سربست بوراخیلماسینا قارشی دوروردولار.
📩 بو خبر حاقیندا داها چوخ بیلگینیز وارسا، لطفا بو ایمیل واسطه‌سی ایله بیزیمله ایله‌تیشیمه کئچین:
📞 بو خبرین قونوسو ایله باغلی مسوول شخصلرله ایله‌تیشیمه کئچمک ایسته‌ییرسینیزسه، لطفا ایرانین دؤرد بیر یانیندا یئر آلان مسووللارین لیستینه باخین:
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق