لە کاتێکدا کە سێ مانگ بەسەر کوشتنی حکوومەتی "ژینا (مەهسا) ئەمینی" لە گرتووخانەی گەشتی ئیرشاد و دەست پێکردنی ناڕەزایەتییە سەراسەرییەکان بە دژی کۆماری ئیسلامی تێپەڕ دەبێت، چەندین بەرپرسی سیاسی و حکوومەتی وڵاتانی ڕۆژئاوا سەبارەت بە بەردەوام بوونی ناڕەزایەتییەکان سەرباری سەرکوتە توندەکان، کاردانەوەیان نیشان دا.
ڕۆژی هەینی ٢٥ی سەرماوەزی ١٤٠١، "ڕۆبێرتا مێتسولا"، سەرۆکی پەرلمانی یەکێتیی ئەوروپا لە لاپەڕەی تویتەری خۆیدا نووسی: "سێ مانگ پێش لە وەها ڕۆژێکدا ژنێکی گەنجی ٢٢ ساڵان لە گرتووخانەی پۆلیسی ئێران گیانی لەدەست دا. مەرگی دڕندانەی مەهسا ئەمینی خاڵی وەرچەرخان بوو. ژنان، پیاوان و سەرجەم ئەو کەسانەی لە شەقامەکانی ئێران ناڕەزایەتی دەردەبڕن، ئیلهام بەخش بوون بۆ هەموو جیهان."
ئەو هەروەها زیادی کردوو و وتی: "ئێمە پاڵپشتیتان لێدەکەین و لەگەڵتان دەمێنینەوە."
3 months ago today, a 22-year old young woman died in police custody in Iran.#MahsaAmini's brutal death marked a turning point.
— Roberta Metsola (@EP_President) December 16, 2022
The women, men & all those protesting in the streets of Iran have inspired the world.
We have stood by you & will stay with you.
زن زندگی آزادی pic.twitter.com/0tZCwpkw1S
هاوکات، "جەیمز کلڤێرلی"، وەزیری دەرەوەی بەریتانیا لە تویتێکدا، لەگەڵ ئاماژە کردن بە گەمارۆ مافی مرۆییەکانی ئەم وڵاتە لە دەژی دەسەڵاتداران و دامەزراوە ئەمنیەتییەکانی سەر بە کۆماری ئیسلامی نووسی: "سێ مانگ پێش ئێستا، مەهسا ئەمینی دوای دەستگیر کردنی لە لایەن پۆلیسی ئەخلاقی ئێران گیانی لەدەست دا. لەو کاتەوە تا ئێستا، گەمارۆمان خستووەتە سەر زیاتر لە ٤٠ بەرپرسی ئێرانی."
هەروەها گەمارۆدانی زیاتر لە ٣٠٠ کەس، لەوانە سپای پاسداران، بە هۆی پێشێلکردنی مافی هاوڵاتیانی ئێرانی، ڕاگەیاند.
3 months ago today, #MahsaAmini died after her arrest by Iran's 'Morality Police'.
— James Cleverly🇬🇧 (@JamesCleverly) December 16, 2022
Since then, we've sanctioned over 40 Iranian officials.
In total, we've sanctioned 300+ people and entities, including the IRGC in its entirety.
هاوکات لێژنەی پێوەندییەکانی دەرەوەی مەجلیسی سێنای ئەمریکا "سەرکوتی دڕندانەی" خەڵکی ئێران لە لایەن حکوومەتەوە بە نیشانەی "ناشەرعی بوونی ڕژیمی دەسەڵاتدار" بەسەر ئێران زانی.
بەپێی ڕاپۆرتی ڕێکخراوەکانی مافی مرۆڤ لە سێ مانگی ڕابردوودا، ناڕازیان لە زیاتر لە ٨٠ شاری ئێران، درێژەیان بە ناڕەزایەتییە دژە حکوومەتییەکانی خۆیان داوە.
لەم ماوەیەدا، بەپێی دوایین ئاماری هەواڵدەری هێرانا، لانیکەم ٤٩٠ ناڕازی کوژراون و بە هەزاران کەس دەستگیر کراون.
هاوکات لەگەڵ ناڕەزایەتییەکان لە نێوخۆی ئێراندا، ئێرانیانی دانیشتووی دەرەوەی وڵات بە کۆبوونەوە بەرینەکانیان لە شارە جیاوازەکانی جیهاندا، داوایان لە کۆمەڵگەی نێودەوڵەتی کردووە تا هەنگاوی کردەیی لە دژی سەرکوتی ناڕازیان لە ئێران بگرنەبەر.
حەوتوویی پێشوو، لە کۆبوونەوەی ئابووری و کۆمەڵایەتی ڕێکخراوی نەتەوە یەکگرتووەکان، کۆماری ئیسلامی بە هۆی پێشێلکردنی سیستماتیک و توندوتیژانەی مافی ژنان و ناڕازیان، لە کۆمسیونی پێگەی ژنی ئەم ڕێکخراوەیە دەرکرا.
تێبینییەکەت بنووسە