گۆڤاری"ئێڵ (Elle)"ی فەڕەنسا بە نیازە بۆ پشتیوانی کردن لە ژنانی ناڕازی ئێران تایبەتنامەیەک بە ناوی "دەنگیان بن" بڵاو بکاتەوە.
بەپێی ئەو وێنانەی بڵاوکراوەتەوە، دوو ژنی هونەرمەندی ناسراوی دەرەوەی ئێران بە ناوەکانی "گۆڵشیفتە فەرهانی" و "زەر ئەمیرئیبراهیمی"، قبووڵیان کردووە بۆ پشتیوانی کردن لە ناڕەزایەتییەکان، بەشداری لەم تایبەتنامەیەدا بکەن.
ئەم دوو هونەرمەندە لە حاڵێک‌دا وێنەی ژینا (مەهسا) ئەمینی کچێكی گەنجی ٢٢ ساڵان، کە لە گرتووخانەی گەشتی ئیرشاد گیانی لەدەست دا و کوژرانی بووە دەسپێکی ناڕەزایەتییەکان و دروشمە سەرەکییەکەی "ژن، ژیان، ئازادی"ـە گرتووە بە دەستیانەوە وێنەکەیان لە ئەکاونتی تویتەری ئەم گۆڤارەدا بڵاو کراوەتەوە.
دەوترێت ئامانج لە بڵاو کردنەوەی ئەم تایبەتنامەیە "بەنگەوازێکە بۆ پشتیوانی کردن لەو ژن و پیاوە ئازایەنەی کە هێشتا بوێرانە سەرپێچی لەم ڕژیمە ستەمکار و زاڵمە دەکەنەوە."
هەروەها گوڵشیفتە فەراهانی و زەر ئەمیرئیبراهیمی پشتیوانی دەکەن لە "نیلوفەر شاکری"، ناڕازییەکی ٢٩ ساڵان کە لە کاتی سەرکوتی ناڕەزایەتییەکان لە کەرەج دەستگیر کرا.
« Soyez leur voix ! » @Golshifteh et Zar Amir Ebrahimi prennent part à notre numéro spécial pour appeler à soutenir ces femmes courageuses, ces hommes aussi, qui osent encore braver ce régime d’une cruauté glaçante. #freeiran #femmevieliberte #mahsaamini #iranrevolution pic.twitter.com/aHyh0QAiKP
— ELLE (@ELLEfrance) January 25, 2023
تێبینییەکەت بنووسە