سەرلەبەیانیی ڕۆژی دووشەممە ٣١ی بانەمەڕ، هەژار مەحموودی، خەڵکی پیرانشار و بەڕێوەبەری لاپەڕەی ئینستاگرامیی "شنۆیەکەم"، لەگەڵ چوار چالاکی خەڵکی شنۆ و هاوکاری ئەم لاپەڕەیەدا بە ناوەکانی دڵشاد شاداب، باست قادرزادە، زاهیر حاجیپوور، پێشکەشکار و سەمیع مەحموودی ئەقدەم، مامۆستای زمانی کوردی، دوای بانگهێشتکران بۆ بنکەی هەواڵگریی ئیدارەی ئیتلاعاتی شنۆ دەستبەسەر کراون و گوازراونەتەوە بۆ شوێنێکی نادیار.
بەپێی ڕاپۆڕتی تۆڕی مافەکانی مرۆڤی کوردستان دەستبەسەرکردنی ئەم هاووڵاتیانە پێوەندیی بە ڕێوڕەسمەکانی نەورۆزی ئەمساڵەوە هەیە و لاپەڕەی ئینستاگرامیی «شنۆیەکەم»یش دوای دەستبەسەرکردنی ئەم کەسانە بلۆک کراوە.
بەپێی ئامارە کۆکراوەکانی تۆڕی مافەکانی مرۆڤی کوردستان، لە ڕەشەمەی ساڵی ڕابردووەوە (مارسی ٢٠٢٤) تا ئێستا لانیکەم ٤٣ هاووڵاتی، چالاکی مەدەنی و هونەرمەندی کورد لە شارە جیاوازەکانی کوردستان لە پارێزگاکانی ئیلام، کرماشان، کوردستان و ئازەربایجانی ڕۆژئاوادا بە هۆی بەڕێوەبردن یان بەشداریکردنەوە لە ڕێوڕەسمەکانی نەورۆزدا دەستبەسەر کراون و ڕەوتی بانگهێشتکردن، دەستبەسەرکردن و کردنەوەی دۆسیەی یاسایی بۆ چالاکانی مەدەنی، هونەرمەندان و تەنانەت هاووڵاتیانی ئاسایی تا ئێستایش درێژەی هەیە.
تێبینییەکەت بنووسە