Əsgər Fərəci 5 illik həbs cəzasını çəkmək üçün Evin həbsxanasına köçürülüb

İranwire-ə çatan xəbərlərə görə, Tehranda yaşayan Azərbaycanlı mədəni fəal Əsgər Fərəci 5 il həbs cəzasını çəkmək üçün 19 İyun bazar günü Evin Həbsxanasının 4 saylı karantin bölməsinə köçürülüb.

Tehran İnqilab Məhkəməsinin 26-cı şöbəsi tərəfindən “ölkənin milli təhlükəsizliyinə qarşı əlbir olmaq”, “qanunsuz və hökumətə qarşı olan GAMAC-a üzv olmaq”, “kitab nəşer edib yaymaqla hökumətə qarşı təbliğat aparmaq” və “ictimai rəyi çaşdırmaq üçün sosial mediada yalan məlumatlar yaymaq”da ittiham olunan Fərəci 17 il 4 ay həbs və 2 il sürgün cəzası məhkum edilib. İlkin hökmdən apellyasiya şikayəti verildikdən sonra onun cəzası 5 ilə qədər azaldılıb.

Doğu Azərbaycan Vəkillər Komissiyasının sədr müavini, hüquqşünas Sina Yusifi bir müddət öncə Twitter hesabında müvəkkilinin adını çəkmədən bildirib ki, “ilkin hökmün mətnində hakimin qərarının şəxsi və siyasi rəy olduğunu bildirmişdi”.

Təhlükəsizlik əməkdaşlarının vətəndaş cəmiyyəti fəalları və onların ailə üzvlərini təhdidi nəticəsində mədəni fəalların məhkəmə prosesi ilə bağlı dəqiq məlumatlar mediaya və ictimai rəyə çatmır.