Vəhid Əsgəri Təbrizin Mərkəzi Həbsxanasında bəlirsiz durumda saxlanılır

Həbs olunmasından 41 gün keçməsinə baxmayaraq, Türk yeniyetmə Vahid Əsgəri hələ də Təbrizin mərkəzi həbsxanasında bəlirsiz durumda saxlanılır.

Vahid Əsgəri 7 aprel 2024-də, şənbə günü Təbrizin təhlükəsizlik təcridxanalarının birindən bu şəhərin mərkəzi həbsxanasına köçürüldü və həbsindən 41 gün keçməsinə baxmayaraq, hələ də Təbrizin mərkəzi həbsxanasındadır.

Bundan öncə Azərbaycan İnsan Hüquqları Cəmiyyəti (ƏRK) bu azərbaycanlı yeniyetmənin ailəsinin övladının vəziyyətini izləmək üçün məhkəmə və təhlükəsizlik orqanlarına çoxsaylı müraciətlərinin nəticəsiz qalması barədə məlumat vermişdi.

Vahid Əsgəri təhlükəsizlik qurumunun təcridxanasında saxlandığı müddətdə ailəsi ilə yalnız qısa telefon danışığı edə bilib və saxlanmasından qırx gündən çox vaxt keçdikdən sonra o, hazırda Təbriz Mərkəzi Həbsxanasında bəlirsiz durumdadır.

2006-cı ilin avqust ayında anadan olmuş, Səhənd şəhərində yaşayan 12-ci sinif öyrəncisi olan cənab Əsgəri 6 mart 2024-də Səhənd şəhərində təhlükəsizlik qüvvələri tərəfindən həbs edilmişdi. Bu yeniyetməni həbs edəndən sonra məmurlar atasının evində axtarış apararaq onun şəxsi əşyalarını, mobil telefonunu və bilgisayarını müsadirə ediblər.