ABC: İslam Respublikası və İnqilab Keşikçiləri rəsmiləri təhlükəsiz və yeraltı yerlərə sığınıblar

ABC yüksək rütbəli bir amerikalı rısmiyə istinadən xəbər verir ki, İslam Respublikası və və İnqilab Keşikçiləri rəsmiləri İsrailin hücumuna qarşı yüksək hazırlıq vəziyyətindədirlər və onlardan bəziləri təhlükəsiz evlərdə və yeraltı obyektlərdədir.

Adı açıqlanmayan amerikalı rəsmi ABC telekanalına da deyib: "İsrail, yəqin ki, Pasxa bayramından öncə hücuma keçməyəcək."

O əlavə etdi: "İsrailin Pasxa bayramından öncə İrana hücum etmək ehtimalı yoxdur, baxmayaraq ki, bu həmişə dəyişə bilər."

Pasxa bazar ertəsi başlayır və aprelin 30-da axşam başa çatır.

İsrailin İranın hücumuna cavab reaksiyası ilə bağlı narahatlıqların artması ilə eyni vaxtda “Wall Street Journal” da Suriya və İran rəsmilərinə istinadən yazır ki, İnqilab Keşikçiləri Suriyadakı qüvvələrini təxliyə etməyə başlayıb və İsrailin hücumuna hazırlaşır.

Amerikanın “Wall Street Journal” qəzeti çərşənbə günü dərc olunan hesabatında öz mənbələrinə istinadən bildirib ki, İran İsrailin öz ərazisinə və ya etibarlı qüvvələrinə cavab hücumuna hazırlaşır.

Bu hesabatda Suriya və İran rəsmilərinə və müşavirlərinə istinadla bildirilir ki, Tehran İslam İnqilabı Keşikçiləri Korpusunun Suriyadakı hərbi obyektlərdən heyətini təxliyə etməyə başlayıb.

İran çərşənbə günü hava qüvvələrini hücumlara hazırladığını açıqlayıb və İslam Respublikası Ordusunun donanması da Qırmızı dənizdə İran ticarət gəmilərini müşayiət etməyə başlayacaq.