اهواز طبّ علملری بیلیمیوردونون رییسی خوزیستاندا نفس دارلیغی سببییله خستهلرین سایینین ۱۷۸۲ نفره یوکسلدیگینی آچیقلادی.
مهر موخبیرینین وئردیگی بیلگییه گؤره، "فرهاد ابول نژادیان" اینستاگرام صفحهسینده یازدی: "خوزیستاندا ایلک پاییز یاغیشلاریندان سونرا و جوما سحرینه قدر ۱۷۸۲ نفر تنفوس پروبلئمی و نفس دارلیغی ایله ایالت خستهخانالارینا موراجعت ائتدیلر."
بو شخصلردن ۱۵۸ نفرینین هله ده خستهخانادا اولدوغو دئییلیر.
اهواز طبّ علملری بیلیمیوردونون رییسی بو داواملی یاغیشلی گونلرده تنفوس یولو خستهلیکلری اولان خوزیستان وطنداشلارینا یاغیشا معروض قالماماغی، تؤوصیه ائتدی.
سون ایللرده خوزیستان ایالتینده، خوصوصیله اهوازدا ایلک پاییز یاغیشی بعضی اینسانلار، خوصوصاً خسته و یا مؤوسومی آلرژیسی اولان اینسانلار اوچون نفس دارلیغینا سبب اولور و بو اینسانلار یاخشی نفس آلماغا داوام ائتمک اوچون طبّ مرکزلرینه گئتمهلیدیرلر.
نفت فلرلری (آلوولاری)، کنوکارپوس آدلانان بیر آغاجین توزلانماسی و خوزیستانداکی دیگر چیرکلندیریجیلر بو حادثهنین سببلریندندیر.
📩 بو خبر حاقیندا آرتیق بیلگینیز وارسا، لطفا بو ایمیل واسطهسی ایله بیزیمله ایلتیشیمه کئچین: [email protected]
📞 بو خبرین قونوسو ایله باغلی مسوول شخصلرله ایلتیشیمه کئچمک ایستهییرسینیزسه، لطفا ایرانین دؤرد بیر یانیندا یئر آلان مسووللارین لیستینه باخین: www.ostanwire.com
یوروم یازماق