ایرانلی قیزلارین شکیللرینی سانال اورتامدا یاییملایان ایکی چینلی موتهیمین وکیلی، موکیللری بارهده قرارین وئریلدیگینی و هر ایکیسینین محکوم ائدیلدیگینی سؤیلهدی.
وکیل "مهدی عزیززاده قصاب" هر ایکی، موکیلینین بو ایلین خرداد آیینین اورتالاریندان ساخلاندیغینی دئدی و بیلدیردی. "موکیللریم حبس جزاسی، شاللاق و جریمه اؤدهمهیه محکوم ائدیلدیلر."
او جزانین آیرینتیلاری بارهده مئدیایا بیلگی وئرمهدی.
بو وکیل دئدی: "داها آیرینتیلی بیلگی وئره بیلمریک؛ چونکی حؤکم قطعی دئییل و تئمییزه گؤتورولهجک".
بو ایکی موتهیمین اتهاملاری اوزره محکمه اوتورومو ۱ شهریور بازار ائرتهسی گونو تهرانین ۲-جی جزا محکمهسینده بئش شیکایتچی قیزین ایشتیراکی ایله کئچیریلدی.
عزیززاده قصابین سؤزلرینه گؤره، بو ایکی محبوسون وضعيتی دیل فرقی، پول و تلفون چاتیشمازلیغینا و عائلهلری ایله ایلهتیشیمه کئچه بیلمهمهلرینه گؤره اویغون دئییل.
بو وکیلین دئدیگینه گؤره، حاکم اونلارین مووقتی اولاراق سربست بوراخیلماسی اوچون آغیر گیروو قویدو و اونلارین هر ایکیسینین ایراندا مولکو یوخدور؛ چین سفیرلیگی ده ائتکیلی بیر آددیم آتمادی.
وکیل شیکایتچیلرین ۱۸ یاشدان آشاغی اولماسی و بو ویدئولارین یاییملانماسیندان سونرا بیرینین اینتیار ائتمهسی مسئلهسینین دوغرو اولمادیغینی سؤیلهدی.
یوروم یازماق