ارز و کالا قاچاغی ایله موباریزه باش قرارگاهینین رئیسی اؤلکهیه قاچاق یولو ایله گتیریلن لوکس اتومبیللرین قونشو دؤولتلرین اونلاری آلماماسینی اساس گتیرهرک محو ائدیلدیگینی آچیقلاییب.
علی مویدی خرمآبادی، بازار گونو، ۸ اسفندده بیر تلویزیون پروقرامیندا دئییب: "بیز اؤلکهیه قاچاق یولو ایله گتیریلن لوکس اتومبیللرین قونشو دؤولتلره ایخراجی اوچون الیمیزدن گلنی ائتدیک. قونشو اؤلکهلر اونلاری آلمادیلار، چونکی آشکار ائدیلمیش ماللارین موثبت سندلری یوخدور و بونا گؤره ده بو قاچاق ماللار ایخراج ائدیله بیلمز. "
مویدی خرمآبادی داوام ائتدی: "قونشو اؤلکهلرین اونو آلماسینی ائرتلهدیک و موشتری آختاریردیق، آنجاق قونشو اؤلکهلر گؤمروک و استاندارت رسمیتلر اولمادان بو ماللاری آلمایاجاقلار، اونا گؤره ده بیز اونلاری محو ائدهجییک".
ارز و کالا قاچاغی ایله موباریزه باش قرارگاهینین رئیسی چیخیشیندا بو اتومبیللرین سایی و مارکاسی و یا ایدخال ائدنلری قئید ائتمهییب.
ایران یئتکیلیسی قاچاق اتومبیللرین لوکس مال کیمی تقدیم ائدیب و بیلدیریب کی، ایسلام جمهورییتینین رهبرینین بللی ائتدیگی قرارا اساساً، بوتون بو ماللار محو ائدیلمهلیدیر.
علی خامنهای ۱۳۹۵-جی ایلده قاچاق یولو ایله گتیریلن ماللارین یاندیریلماسینی امر ائتمیشدی. بو امردن سونرا بو ایلین شهریورینده ایراندا قاچاق یولو ایله گتیریلن ۱۳ باهالی اتومبیل محو ائدیلدی.
📩 بو خبر حاقیندا داها چوخ بیلگینیز وارسا، لطفا بو ایمیل واسطهسی ایله بیزیمله ایلهتیشیمه کئچین:
📞 بو خبرین قونوسو ایله باغلی یئتکیلی شخصلرله ایلهتیشیمه کئچمک ایستهییرسینیزسه، لطفا ایرانین دؤرد بیر یانیندا یئر آلان یئتکیلیلرین لیستینه باخین: www.ostanwire.com
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق