تبریز طب علملری بیلیم‌یوردونون ساغلیق اوزره معاونی، دوغو آذربایجاندا کرونا خسته‌لری‌نین آزالماسینا توخوناراق دئدی: ایالتده خسته سایی آزالسادا کرونا اؤلوملری‌نین سایی آرتماقدادیر.
حسین حقانی سون ۲۴ ساعتدا ایالتده‌کی خسته‌خانایا یئرلشدیریلن خسته‌لرین سایی‌نین ۷۹۰ نفره آزالدیغینی بیلدیردی.
حسین حقانی علاوه ائتدی: دوغو آذربایجاندا مراغه، شبستر، مرند، عجب شیر، سراب، هریس، جلفا، بناب، میانه و اهر شهرلری قیرمیزی دورومدا و تبریز، آذرشهر، اسکو، ملکان و هوراند نارینجی و قالان ۶ شهر ایسه ساری دورومدادیر.
او دئدی: کرونا اؤلوملری‌نین سایی بو خسته‌لیگین باشلانقیجیندان بو یانا ۷ مین ۱۲۹ نفره چاتیب.
او آرتیردی: ایالتده کرونا خسته‌لیگیندن خسته‌خانایا یئر‌لشدیرمه سایی سون گون ۱۲۱ نفری ایدی و اؤزل باخیم شؤبه‌لرینده‌کی خسته‌لرین سایی ۲۳۹ نفره چاتیب.
تبریز طبّ علملری بیلیم‌یوردونون ساغلیق اوزره معاونی، ایندیه قدر ایالتده ۲۴۵ مین ۷۰۰ نفرین کرونایا یولوخدوغونو بیلدیریب.
📩 بو خبر حاقیندا داها چوخ بیلگینیز وارسا، لطفا بو ایمیل واسطه‌سی ایله بیزیمله ایله‌تیشیمه کئچین:
📞 بو خبرین قونوسو ایله باغلی مسوول شخصلرله ایله‌تیشیمه کئچمک ایسته‌ییرسینیزسه، لطفا ایرانین دؤرد بیر یانیندا یئر آلان مسووللارین لیستینه باخین: www.ostanwire.com
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق