باتی آذربایجان طب علملری بیلیمیوردونون کئچیجی رئیسی، ایالتده سون ۲۴ ساعتدا ایالتده ۲۰۲ نفرده کرونا خستهلیگینین تثبیت ائدیلدیگینی و ۵ خستهنین ده حیاتینی ایتیردیگینی بیلدیردی.
محمدامین ولی زاده حال حاضردا خستهخانایا یئرلشدیریلن کرونا خستهلرینین توپلام سایینی ۶۱۲ نفره چاتدیغینی دئدی.
او ۱۸۵ خستهنین اؤزل باخیم شؤبهلرینده خستهخانایا یئرلشدیریلدیگینی و ۵۰ نفرین ونتیلاتورلا نفس آلدیغینی ایفاده ائتدی.
او دئدی کی، ۵ نفرین اؤلومو ایله باتی آذربایجاندا کرونا اؤلوملرینین توپلام سایی ۷ مین ۴۳۱ نفره چاتدی.
اردبیل طب علملری بیلیمیوردونون کئچیجی رئیسی، اؤنوموزدهکی تایکی هفته ایچینده آلتینجی دالغانین ایالتده باشلایاجاغینی بیلدیردی. باتی آذربایجاندا ایسه ۳۲۳ خسته اولماق اوزره سون ایکی آیدا ان چوخ خسته تثبیت ائدیلدی.
اردبیل طب علملری بیلیمیوردو سون بیر هفتهده ۲۶۹ خستهنین خستهخانایا یاتیریلدیغینی و ۳۸ خستهنین حیاتینی ایتیردیگیندن خبر وئریب.
زنجان طب علملری بیلیمیوردونون ساغلاملیق اوزره معاونی زنجان شهرینین قیرمیزی دورومدان چیخدیغینی و حاضردا ایالتین ۷ شهرینین نارینجی اولدوغونو بیلدیریب.
دوغو آذربایجان طب علملری بیلیمیوردونون رئیسی دوغو آذربایجاندا ۶ شهرین قیرمیزی، ۱۱ شهرین نارینجی و ۴ شهرین ساری دورومدا اولدوغونو بیلدیردی.
سون گونلرده کرونا ایله موباریزه قرارگاهی بایرام تعطیلینده سیاحت ایجازهسینین ۳ دوز کرونا آشیسینین وورولماسینا باغلی اولدوغونو بیلدیرمیشدی.
📩 بو خبر حاقیندا داها چوخ بیلگینیز وارسا، لطفا بو ایمیل واسطهسی ایله بیزیمله ایلهتیشیمه کئچین:
📞 بو خبرین قونوسو ایله باغلی یئتکیلی شخصلرله ایلهتیشیمه کئچمک ایستهییرسینیزسه، لطفا ایرانین دؤرد بیر یانیندا یئر آلان یئتکیلیلرین لیستینه باخین: www.ostanwire.com
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق