مجلیسین ۱۲-جی دؤورونون سئچکیلری ۱۱ اسفند ۱۴۰۲ جوما گونو کئچیریلرکن، حؤکومت اؤلکه ایچینده خالقین قاتیلیمیندا اؤنملی آزالما ایله اوزلشدی. تهران شهرینده اؤنجه‌کی دؤوره ایله موقایسه‌‌ده ان آشاغی قاتیلیم نیسبتینی و آغ و گئچرسیز سسلرین آرتیمینی گؤردوک.
۵۹۷ مین ۷۷۰ سسله (تهراندا سسوئرمه حوقوقو اولانلارین یوزده ۸-دن آز) تهراندا بیرینجی شخص اولان سید محمود نبویانین سسی بوتون اؤنجه‌کی دؤورلرده‌کی بوتون بیرینجی چیخان ملت وکیللریندن آزدیر. اوندان سونرا امیرحسین ثابتی و حمید رسایی، مجلیسین حاضرکی باشقانی و اؤنجه‌کی سئچکیلرین بیرینجیسی محمد باقر قالیباف ایسه ۴۴۷ مین ۹۰۵ سسله دؤردونجو یئرده‌دیر.
آیریجا رفرمیستلره یاخین سیمالاردان بیری و ملتین سسی آدلی لیستین ایلک سیراداکی آدایی علی مطهری ده ایلک ۶۰ آدای آراسیندا بئله یوخدور.
بونونلا باغلی اؤلکه‌نین سئچکی قرارگاهی‌نین سؤزچوسو محسن اسلامی آیرینتیلاری آچیقلامادان و تهران سئچکیلری‌نین قازانان ایکینجی طورونا قالان آدلارینی آچیقلاییب. او، تهران، ری، شمیرانات، اسلامشهر و پردیس سئچکی دایره‌لرینده "دوزگون سسلرین" سایینی آچیقلامایاراق، سئچکی قوتولاریندا توپلام ۱ میلیون ۵۶۹ مین ۸۵۷ سس اولدوغونو ادعا ائدیب. او، کئچرسیز سسلرین سایینی و قاتیلیمجیلارین دقیق سایینی آچیقلاماییب.
تهران سئچکی بؤلگه‌سیندن مجلیسه گیرن ایلک ۱۴ نرین آدلاری و سلری
۱- سید محمود نبویان ۵۹۷۷۷۰ سسله
۲- امیرحسین ثابتی منفرد ۴۸۷۹۸۲ سسله
۳- حمید رسایی ۴۸۵۷۱۱ سسله
۴- محمدباقر قالیباف ۴۴۷۹۰۵ سسله
۵- رضا تقی‌پور انوری ۴۲۴۹۴۵ سسله
۶- روح‌الله ایزدخواه ۴۰۷۳۰۳ سسله
۷- مرتضی آقاتهرانی ۴۰۵۷۰۷ سسله
۸- منوچهر متکی ۴۰۴۶۱۵ سسله
۹- اسماعیل کوثری ۳۸۶۷۷۳ سسله
۱۰- مهدی کوچک زاده ۳۶۶۲۱۶ سسله
۱۱- سید علی یزدیخواه ۳۳۳۳۰۸ سسله
۱۲- علی خضریان ۳۳۳۱۰۳ سسله
۱۳- مالک شریعتی ۳۳۱۵۱۰ سسله
۱۴- کامران غضنفری ۳۱۶۳۷۴ سسله
۱۴۰۳-جو ایلین اردیبهشت آییندا و سئچکیلرین ایکینجی توروندا مجلیسین ۱۶ صندلیسی اوغروندا داها ۳۲ آدای یاریشاجاق.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق