چئوره ژورنالیستلرین اتوبوسونون آشماسی و ایکی ژورنالیستین اؤلمهسی ایله باغلی چئوره تشکیلاتی و اورمیه گؤلونو جانلاندیرما قرارگاهینین یئتکیلی شخصلرینه براعت وئریلیب.
اورمیه گؤلونو جانلاندیرما قرارگاهینین پلانلارینی گؤرمهیه گئدن ژورنالیستلری داشییان اتوبوس ۲ تیر ۱۴۰۰-ده سحر ساعتلاریندا پیرانشهر یاخینلیغیندا آشیب. بو حادثهده بیر نئچه ژورنالیست یارالانیب، مهشاد کریمی و ریحانه یاسینی ایسه حیاتینی ایتیریب.
بو حادثهدن ایکی ایلدن چوخ واخت کئچدیکدن سونرا مهشاد کریمی و ریحانه یاسینینین عائلهلرینین وکیلی بو ایشده تقصیرلندیریلن چئوره تشکیلاتی و اورمیه گؤلونو جانلاندیرما قرارگاهینین یئتکیلیلرنین براعت آلدیغینی آچیقلاییب.
سبحان نجفقلیان بازار ائرتهسی، ۲۱ اسفند گونو ایسنا خبر آژانسینا دئییب: اورمیه گؤلونو جانلاندیرما قرارگاهینین یئتکیلیلرینه قارشی براعت وئریلمهسینه اعتراضیمیز رد ائدیلدی و چئوره تشکیلاتینین ایکی مقامی دا سوچلو بولونماییب.
بو خبره گؤره، اورمیه گؤلونو جانلاندیرما قرارگاهینین بیر نئچه یئتکیلی شخصی، او جوملهدن بو قرارگاهین ایالت مودیری فرهاد سرخوش، باتی آذربایجان چئوره قورما اوزره موحافیظه بؤلومونون کئچمیش باش مودیری مهران نظری و اورمیهنین چئوره قوروما ایدارهسینین رئیسی مختار خانی تقصیرلی بیلینمهییب.
جناب نجفقلیان ۲۰ گونلوک مدت ایچینده موطلق اعتراض ائدهجهیینی وورغولاییب و دئییب: البته، بیز یالنیز نظری و خانی حاقیندا چیخاریلان حؤکمه اعتراض ائده بیلریک.
بو وکیلین سؤزلرینه گؤره، بو حالدا یالنیز اتوبوس سوروجوسو ۶ آی حبس و خسارت آلانلارا تضمینات اؤدهمهیه محکوم ائدیلیب.
بو حادثهدن بیر نئچه آی سونرا سولدوز ساوجیسی اصغر نوعی قوشچی، ایرنا خبر آژانسینا بیلدیریب کی، ایلکین ایستینطاق ایالت یئتکیلیلرینین بو مسئلهده سهلاًکارلیق گؤستردیگینی آچیقلاییب و پروندهنین سهلاًکارلیغین میقیاسینی بللی ائتمک اوچون ایالت مرکزینه گؤندریلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق