شنبه گونو، ۲۶ اسفند ده تورکیه‌نین ایچ ایشلر ناظری ایران وطنداشی سعدالله امیرشقاقی‌نین تورکیه‌ده چرکلی پوللارین یویولماسی اتهامی ایله حبس ائدیلدیگینی آچیقلاییب.
تورکیه‌نین ایچ ایشلر ناظری‌نین ایکس حسابیندا یازدیغینا گؤره، امیرشقاقی و یا سعید امیری ایراندا قانونسوز قومار اویناماقدا و تورکیه‌ده چرکلی پوللارین یویولماسیندا اتهام اولونور.
ایرانین اساس قومار سایتلاریندان بیری‌نین باشچیسی اولاراق بیلینن امیر شقاقی تورکیه‌نین ایچ ایشلر ناظری‌نین سؤزلرینه گؤره، اؤلکه‌دن قاچماغا حاضرلاشیردی و ایزمیرده‌کی هتلده باشقا شخصین کیملیگی ایله حبس ائدیلیب.
بوندان اؤنجه تورکیه مجلیسی‌نین ملت وکیلی آدم تاشکایا امیرشقاقی‌نین ایستانبول ساوجیسی و پولیس رئیسی ایله موناسیبتینی ادعا و تنقید ائتمیشدی.
امیر شقاقی و اونون اوغلو، مونتیگو لقبلی فرشید قومارین خاچ آتاسی کیمی تانینیر. شبکه‌لرینی گلیشدیرمک اوچون اونلار حبسده اولان میلاد حاتمی و تتلو دا داخیل اولماقلا چوخلو سایدا ایرانلی سانال اورتام مشهور سیمالارینی ایشه گؤتورموشدولر.
تورکیه‌ده حبس ائدیله‌رک ایرانا تحویل وئریلن مشهور اینستاگرام سیمالاریندان میلاد حاتمی‌نین اتهامی اؤتم نیر آییندا افساد فی‌الارض اعلان ائدیلیب.
بو ایلین دی آییندا ایراندا بیر دؤولت خبر آژانسی تتلونون اتهاملاری آراسیندا قومار ائوی و مرج سایتی آچدیغینی آچیقلامیشدی.
مئدیانین بیلگیلرینه گؤره، امیر شقاقی ایله باغلانتیلی شبکه ایللردیر کی، ایران داخیلینده بانک پورتاللاریندان فیشینگ و قومار سایتلاری اوچون خزینه کیمی ایستیفاده ائدیب.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق