ایران مئدیاسی تبریزین گلشهر محله‌‌‌سینده ایکی گونلوک کؤرپه‌نین ترک ائدیلمیش دورومدا تاپیلاراق ریفاه تشکیلاتی اسیرگه‌مه قورومونا تحویل وئریلدیگینی بیلدیریب.
دوغو آذربایجان ریفاه تشکیلاتی‌نین باش مودیری فرگل صحاف فارس خبر آژانسینا بیلدیریب کی، یئرلی ساکینلر پولیس بؤلمه‌سینه زنگ ائده‌رک کوچه‌ده ترک ائدیلمیش کؤرپه‌نین اولدوغونو بیلدیریبلر.
او، ایکی گونلوک کؤرپه‌نین اوغلان اولدوغونو و اونا پارسا آدینین سئچیلدیگینی ده بیلدیریب.
صحافین سؤزلرینه گؤره، کؤرپه‌نین ساغلیغی موکمملدیر و حاضردا ایرانین ریفاه تشکیلاتینا عاید اولان احسان کؤرپه‌لر ائوینده باخیلیر.
اؤتن ایلین آبانیندا تبریزین گونئی ولیعصر محله‌‌‌سینده ایکی آیلیق کؤرپه باشیندان عملیات اولوناراق کوچه‌ده قالیب.
عینی زاماندا ایلنا یازیب کی، او، ۱۴۰۰-جو ایلده تبریز کوچه‌لرینده ترک ائدیلمیش بئشینجی کؤرپه‌دیر.
سون ایللرده ایسلام جمهورییتی‌نین اهالی قوروجولوغو سیاستلری اؤنجه‌لر حساس قروپلارا پولسوز وئریلن ایمکانلاری قاداغان ائدیب.
اؤتن ایلین بهمنینده ایرانین ارزاق و درمان ایداره‌سی اریان ساغلاملیق مرکزلرینده اؤنجه‌لر پولسوز و یا یاردیم آماجلی وئریلن اؤنلییجی واسطه‌‌‌لرین پایلانماسی‌نین قاداغان ائدیلدیگینی آچیقلامیشدی.
تشکیلات آیریجا "هر هانسی اؤنلییجی واسطه‌‌‌لر حکیم نوسخه‌سی ایله تعمین ائدیلمه‌لیدیر" دئیه بیر بیلدیریش یاییب.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
ایران‌وایر اوچون یازماق ایسته‌ییرسینیزمی؟
یازیلارینیزی پایلاشین
یوروم یازماق