چارشنبه آخشامی، ۱۶ فروردین ۱۴۰۱-جی ایلده رامهرمز بؤلگه‌سینده‌کی بسیطین کندیندن بیر قادین اوچ آزیاشلی اوشاغینی اؤلدوردو و سونرا اینتیحار ائتدی. فرمانداری هرمز بهاروند ایرنایا جینایتین آیرینتیلاری باره‌ده دئییب: حادثه ایله باغلی ساعت ۱۳:۱۵-ده شهرین پولیس امکداشلارینا بیلگی وئریلیب و اونلار حادثه یئرینه گله‌رک حوقوقی آراشدیرمالاری گونده‌مه گتیریبلر.
او، داوام ائتدی: پولیس اورقانلاری‌نین ایلکین آراشدیرمالاریندا دئییلیر کی، ۲۷ یاشلی زهرا.ع آدلی آنا عصب پوزغونلوغو و عائله موناقیشه‌سی نه‌دنی ایله حیات یولداشی ایشده اولدوغو زامان اوچ اوشاغینی اؤلدوروب، سونرا ایسه اؤزونو آسیب.
رامهرمز فرمانداری اؤلدورولن اوشاقلارین ۱۰ و ۶ یاشلی ایکی اوغلان و اوچ یاشیندا بیر قیز اولدوغونو بیلدیره‌رک دئییب: میتلرین موعاینه‌‌سی اونلارین بیچاقلانماقلا یاناشی، بوغولاراق اؤلدورولدویونو گؤستریر.
بهاروند آرتیردی: قاتیلین اوشاقلاری‌نین قتلینی تؤرتدیکدن سونرا اؤزونو آسدیغی گؤرونور.
بو جینایتین باش وئردیگی کند رامهرمز شهریندن ۱۷ کیلومتر اوزاقدا اونون گونئی باتیسیندا یئرلشیر.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
ایران‌وایر اوچون یازماق ایسته‌ییرسینیزمی؟
یازیلارینیزی پایلاشین
یوروم یازماق