کیرمان ایالتی‌نین بردسیر شهر ساوجیسی ۹ یاشلی اوشاغین آتاسی طرفیندن دؤیولمه‌سی و فیزیکی شدته معروض قالماسی سونوجوندا اؤلدویونو آچیقلاییب.
افشین صالحی‌نژاد بازار گونو، ۴ اردیبهشت ده دئییب: آتاسی طرفیندن بو ۹ یاشلی اوشاق، شدتلی دؤیولدو و اوغلانین بدنینه و باشینا آغیر ضربه‌‌‌لر ائندیریلدی و سونوجدا اونون اؤلومونه نه‌دن اولدو.
او آرتیردی: اؤزل قتل موستنطیقی‌نین آپاردیغی ایستینطاقین بو نؤقطه‌‌‌سینه قدر جینایتده آتادان باشقا هئچ کیمین الی اولمادیغی آیدین اولور و قاتیل ایفاده‌سینده موتیوی‌نین جزا اولدوغونو بیلدیریب.
بردسیر ساوجیسی‌نین سؤزلرینه گؤره، بو ۹ یاشلی اوشاغین آتاسی ماده باغیملیسی اولوب و آناسی بیر نئچه ایل اؤنجه حیات یولداشیندان آیریلیب.
ایراندا سون ایللرده والیدئینلر، اؤزللیکله‌ده ده آتالار طرفیندن اوشاقلارین اؤلدورولمه‌سی خبرلری کسکین شکیلده آرتیب.
ایسلام جینایت قانونونون ۲۲۰-جی ماده‌‌سینه اساساً، آتا اوشاغین حمایه‌‌‌چیسی کیمی اؤولادی‌نین اؤلدورولمه‌سینده قیصاص آلینمیر و یالنیز دیه و تعزیره محکوم ائدیلیر.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
ایران‌وایر اوچون یازماق ایسته‌ییرسینیزمی؟
یازیلارینیزی پایلاشین
یوروم یازماق