اوشنویه‌ده‌کی حیکمت اوخولونون اؤیرتمنی بیر اؤیرنجیسی‌نین اوستونه سیلگی آتاراق اونون باشینین سینماسینا نه‌دن اولوب.
مهر خبر آژانسی‌نین وئردیگی بیلگیلره گؤره، اوشنویه شهرینده بیر اؤیرنجی‌نین بو شهرده‌کی اوخوللارین بیرینده اؤیرتمنی طرفیندن فیزیکی جزالاندیریلماسی بیر چوخ تپکیلره نه‌دن اولوب.
فرماندار و اوشنویه بؤلگه ائیتیم شوراسی‌نین رئیسی اؤیرنجی‌نین دؤیولمه‌سی خبرینه توخوناراق، بؤلگه اوخوللاری‌نین بیرینده اؤیرنجی‌نین جیسمانی جزالاندیریلماسی مسئله‌‌سیندن تأسفلندیگینی بیلدیریب: قانون اؤیرنجیلره اؤیرتمنلر طرفیندن هئچ بیر شکیلده فیزیکی جزا وئریلمه‌سینه ایجازه وئرمیر.
بو چرکین و قانونسوز حرکتی پیسله‌ین سید علی ترابی اؤیرنجی‌نین آتاسینا زنگ ائده‌رک والیدئینلرینه باش‌ساغلیغی وئریب و مسئله‌نی قانونی اورقانلارلا تعقیب ائده‌جه‌یینه سؤز وئریب.
او، آیریجا شهرین ائیتیم مودیرلیگی‌نین مسئله‌نی درحال آراشدیریلماسی و تقصیرکارا قارشی قانونامووافیق تدبیرلرین گؤرولمه‌سینی تاپشیریب.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
ایران‌وایر اوچون یازماق ایسته‌ییرسینیزمی؟
یازیلارینیزی پایلاشین
یوروم یازماق