نیشابورون حکیم خستهخاناسینین خالق ایله ایلیشگیلرلر اوزره مودیری بو شهرین کوچهلریندن بیرینده زیبیل قوتوسونون یانیندا کیملیگی بللی اولمایان آلتی گونلوک کؤرپه قیز اوشاغینین تاپیلدیغینی و اونون بو شهرین سوسیال یاردیم قورولوشونا تحویل وئریلدیگینی آچیقلاییب.
حسین عرب برزو ایرنا خبر آژانسینا بیلدیریب کی، بو کؤرپه ۸ شهریور گونو نیشابور شهرینین مدرس کوچهسینده، زیبیللرین یانیندا تاپیلیب و تعجیلی خستهخانایا آپاریلیب.
او دئدی: کؤرپهنین ایلکین موعاینهسی و گؤبک باغینین اولماسی بللی ائدیب کی، بو کؤرپه تاپیلاندان بیر گون اؤنجه خستهخانادان کناردا دوغولوب و حاضردا ۶ گونلوکدور.
نیشابورون حکیم خستهخاناسینین خالق ایله ایلیشگیلر اوزره مودیری بیلدیریب کی، بو اوشاق حاضردا بو خستهخانانین یوغون باخیم شؤبهسینه یئرلشدیریلیب و دورومو الوئریشلیدیر.
سون ایللر ایراندا کؤرپهلرین آتیلماسی ایله باغلی چوخلو خبرلر یاییلیب.
بوندان اؤنجه تهراندا امینه کؤرپهلر ائوی اؤنونده بیر کؤرپه قویولموشدو و اونون یانیندا الیازما قئید اولوب کی، والیدئینلرینین اونو ساخلاماغا شرایطی یوخدور.
تهران ایالتینین ریفاه تشکیلاتینین سوسیال مسئلهلر اوزره معاونی بوندان اؤنجه دئمیشدی کی، ۱۳۹۹-جو ایلدن بو یانا بو ایالتده ۳۳ آتیلمیش کؤرپه تاپیلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق