ایرانوایرین الده ائتدیگی بیلگیلره گؤره، دونیایا گلمهسیندن ۳ آی کئچمهسینه باخمایاراق آدی تورکجه اولدوغونا گؤره تبریزلی اوشاق ائلجان اوچون کیملیک وئریلمیر.
بو بارهده ائلجانین عائلهسینه یاخین اولان ابراهیم حسینپور اینستاگرام صفحهسینده بیلگی یاییب.
دئییلنلره گؤره، تبریز قئیدیات ایدارهسی اونلارا آدین ديیشدیریلمهسینی تکلیف ائدیبلر.
اونلار محکمهیه موراجعت ائتسهلرده محکمه قئیدیات ایدارهسینین تکلیفینی قوهده ساخلاییب و ائلجان آدینا کیملیک وئریلمهسینه قارشی قرار چیخاریب.
ایرانین وطنداشلیق قئیدیاتی تشکیلاتی تصدیقلنمیش آدلارینین لیستینی یاییملایاراق وطنداشلاردان بو آدلاری اوشاقلاری اوچون سئچمهلرینی ایستهییر. والیدئینلر طرفیندن سئچیلن آد قئیدیات ایدارهسی طرفیندن تکلیف اولونان لیستدن کناردا اولدوقدا، سئچیلمیش آد آراشدیریلماق اوچون بو تشکیلاتین (آد کومیتهسینین) ایداره هئیتینه گؤندریلهجک و تصدیق ائدیلمهدیگی تقدیرده آدین سئچیلمهسینه ایجازه وئریلمهیهجک.
تصدیقلنمیش آدلار لیستینده سیاسی و دینی محدودیتلر و فیکیرلر، بیر چوخ وطنداشی اینسان حوقوقلاری کونوئنسییالارینا ضد اولاراق، اوشاقلارینا دینی، ائتنیک و یا مدنی کیملیکلرینه گؤره آد وئرمکدن محروم ائدیر.
والیدئینلر طرفیندن سئچیلن آدلارا کیملیک وئریلمهمهسی و قئیدیات ایدارهسینین قارشی چیخماسی ایلک حال دئییل. بوندان اؤنجه ۲۰۲۰-جی ایلده اردبیللی اوشاق "آییل" اوچون کیملیک وئریلمهمهسی و آییلین آتاسینین شهر قئیدیات ایدارهسی قارشیسیندا اعتراض ائتدیگی بیر ویدئونون یاییلماسی "آییل کامپانییاسینین" باشلانقیج نؤقطهسی ایدی. بو کامپانییادا آییلین والیدئینلرینین بو اوشاق اوچون کیملیک آلامادیقلاری اعتراضینا علاوه، اوخشار بیر مانع یاشایان باشقا آذربایجانلی عائلهلر ده یاشادیقلاری تجروبهلری سوسیال شبکهلرده درج ائتمهیه باشلادیلار. بونونلا یاناشی ایرانلی بلوچ، و عرب عائلهلری ده سوسیال مئدیادا پایلاشیم ائدهرک اوشاقلاری اوچون کیملیک آلارکن قارشیلاشدیقلاری عینی مانعلری تنقید ائتمیشدیلر.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق