بی‌بی‌سی دونیا شبکه‌سی‌نین دونیانین هر یئریندن ۱۰۰ نوفوذلو و ایلهام‌وئریجی قادین لیستینده دؤرد ایرانلی قادینین دا آدی وار.
یازیچی و رسام و مجبوری حجاب موخالیفی سپیده رشنو، دی‌جِی و موسیقی یؤنتمنی پارامیدا، حوقوق اؤیرنجیسی و انگللیلر حوقوقونون ساوونوجوسو الهام یوسفیان و اؤیرنجی و گیریشیمجی سوفیا کیانی ایراندا و یا ایراندان خارج یاشایان دؤرد ایرانلی قادیندیر کی اونلارین آدلاری ۲۰۲۳-جو ایلین نوفوذلو قادینلاری لیستینه داخیل ائدیلیب.
بی‌بی‌سی دونیا شبکه‌سی‌نین ۲۰۲۳-جو ایلین ۱۰۰ نوفوذلو قادینینین لیستی ۳۰ آبان ۱۴۰۲-ده یاییلیب.
بو لیستده آدلاری کئچن ایرانلی قادینلار آراسیندا یالنیز سپیده رشنو ایراندا یاشاییر. آبان آیی‌نین باشیندا او، یئنی پرونده‌ده آلتی آی حبس و جریمه، اینستاگرامدا فعالیتینه بیر ایللیک قاداغا و "حاضرکی اینستاگرام صفحه‌‌‌سی‌نین سونونا دک سیلینمه‌سی" ایله جزالاندیریلدیغینی آچیقلادی.
بو لیستده اینسان حاقلاری اوزره وکیل امل کلونی، هالیوود اولدوزو آمریکا فررا، تانینمیش فمینیست گلوریا اشتاینهم، آمریکانین کئچمیش بیرینجی خانیمی میشل اوباما، گؤزللیک بیزنسی قوران هدا کتان، “قیزیل توپ” اؤدولونو قازانان فوتبولچو آیتانا بونماتی و سونی ذکا اوزمانی تیمنیت ګبردین ده آدلاری گؤرونور.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
ایران‌وایر اوچون یازماق ایسته‌ییرسینیزمی؟
یازیلارینیزی پایلاشین
یوروم یازماق