۱۲ قادین حوقوقلاری فعالی جوما آخشامی موحاکیمه‌‌ اولوناجاق

رشتده یاشایان ۱۲ قادین حوقوقلاری فعالینا قارشی اتهاملارین محکمه‌‌سی بو هفته‌ جوما آخشامی گونو کئچیریله‌جک.

بیدارزانی قروپو بو خبری آچیقلایاراق، بازار ائرته‌سی، ۷ اسفندده یازیب کی، بو قادین حوقوق ساوونوجولاری و رشت سیاسی فعاللاری‌نین محکمه‌‌سی رشت اینقیلاب محکمه‌‌سی‌نین اوچونجو شؤبه‌سینده حاکم مهدی راسخی‌نین باشقانلیغی ایله کئچیریله‌جک.

سارا جهانی، هومن طاهری، یاسمین حشدری، شیوا شاه‌سیاه، نگین رضایی، واحده خوش‌سیرت، متین یزدانی، آزاده چاوشیان، زهره دادرس، زهرا دادرس، جلوه جواهری و فروغ سمیع‌نیا گیلان ایالتینده یاشایان ۱۲ مدنی فعالدیر کی مدنی فعاللارین حبس دالغاسی ایله عینی واختدا بو ایل ۲۵ مرداد گونو حبس اولوندولار.

بیدارزانی‌نین یازدیغینا گؤره، بو قادین حاقلاری فعاللاری و سیاسی فعاللارین گئنیش شکیلده حبسی اونلارین رشت، انز‌لی، لاهیجان و فومن شهرلرینده شخصی ائولرینه باسقین ائدن گوونلیک گوجلری طرفیندن حیاتا کئچیریلیب.

بونلاردان جلوه جواهری بیر آی، زهره دادرس گون، زهرا دادرس بیر آی، هومن طاهری بیر آی، سارا جهانی ۴۷ گون، متین یزدانی بیر آی، آزاده چاوشیان بیر آی، فروغ سمیع نیا، ۵۰ گون، یاسمین حشدری ۳۳ گون، شیوا شاه سیاه ۱۱ گون، نگین رضایی ۸ گون و واحده خوش سیرت، ۸ گون حبسده اولوبلار و محکمه‌‌یه قدر گیروو قارشیلیغیندا سربست بوراخیلیبلار.

بو قادین حوقوقلاری ساوونوجولاری‌نین حبسی سیاسی و مدنی فعاللارین گئنیش اعتراضلاری ایله اوزلشیب و بو ایلین شهریورینده ۳۰۰ نفره یاخین مدنی فعال و قادین حوقوقلاری ساوونوجوسو بیرگه آچیقلامادا مدنی فعاللارین ائولرینده “حبس و آختاریش” آپاریلماسینی پیسله‌ییبلر و گیلاندا توتولان بو فعاللارین شرطسیز سربست بوراخیلمالارینی ایسته‌میشدیلر.